Marku 2:26 - O Mikanda Ikola

²⁶ Mukonda muene ua bokuene mʼonzo ia Nzambi, mu izuua ia Abiiatale, nganga ia dikota, anga u dia o jimbolo ja bhakela Nzambi, ki ji mu tokala muene ku ji dia, jangene ja jinganga, akua ue a di nhengene-nê anga u a bhana-ku?

Marku 2:26 ပူးပေါင်းရင်းမြစ်များ

II Samuuele 15:24

Talesa-phe, Abiiatale anga u banda ue ku thala, Zadoke ue uiza, ni jilevita joso kumoxi, a kexe mu kuambata álaka ia kikutu kia Nzambi; anga a tula álaka ia Nzambi bhenhobho katé mundu uoso azubha kutunda mu mbanza.

II Samuuele 15:29

Zadoke bhenhobho, ni Abiiatale a bheka dingi álaka ia Nzambi mu Jeluzaleme anga a xikama muenhomo.

II Samuuele 15:35

Kuejiia kuma o jinganga Zadoke ni Abiiatale eie uala-nâ kumoxi? Mu-ia ni kuila-phe, kioso eie ki uívua mʼonzo ia muenexi, u ki tangela Zadoke ni Abiiatale, o jinganga.

II Samuuele 20:25

Seva muene u kala Sakala; Zadoke ni Abiiatale a kala ene o jinganga;

II Samuuele 8:17

o Zadoko, monʼa Ahithube, ni Ahimeleke, monʼa Abiiatale, a kala jinganga;

I Jisobha 1:7

Anga u ta kikutu ni Jouabe, mona Zeluia, ni nganga Abiiatale; ene anga a mu kaiela phala ku mu banda.

I Jisobha 2:22

Sobha Solomá anga u kumbulula mamʼâ uixi: Adoniia u mu bhingila kiebhi Abisaki, mukua Suneme? Ku mu bhingila-hi ue kiá ni ungana uene, kuma muene kota diami? Ngambe, mu bhingile kiá muene, ni nganga Abiiatele, ni Jouabe monʼa Zeluia.

I Jisobha 4:4

o Benaia, monʼa Jehoiada, muene kabhitangu ka kifuxi kia masoladi; Zakoko ni Abiiatale ene o jinganga;

I Malunda 24:6

Semaia, o musoneki, mona a Natanaiele, uatundu mu akua Levi, anga u a soneka mu divulu bhu pholo ia sobha ni ia adiakimi (o makota), ni ia Zadoke, o nganga, ni ia Abimeleke, mona a Abiiatale, ni ia atumini a jitata muʼaxaxe ka jinganga, ni muʼaxaxe ka akua Levi; Kibhuku kimoxiʼ muʼaxaxe ka mabhata ma jitata a ki tambula phala o dijiku dia Eliiazale, o kiamukuá a ki tambula phala o dijiku dia Itamale.

Matesu 12:4

U bokona ni akuá mʼ onzo ia Nzambi, anga u dia jimbolo ja sata, jene ki ji mu tokala ku ji dia, mba akuá, mbata jangene ja jinganga?

Marku 2:25

Muene ua ambela, uixi: Kífua kiluua enu mu tanga kia bhangele Davidi, kia tatele ni nzala, ni muene ni akua a di nhengene-nê?

I Samuuele 21:1

Davidi anga uia ku Nobe, kua nganga Ahimeleke; Ahimeleke anga uiza kutakana ni Davidi ni kuteketa, u mu ambela, uixi: Uejila-hi ubheka ué, kuende ni muthu?

I Samuuele 23:6

Kioso-phe kia lenge Abiiatale, monʼa Ahimeleke, anga u sanga Davidi ku Keila, uejiia kumoxi, ni efodi ia kuata bhu lukuaku.

I Samuuele 23:9

Davidi anga u kʼijiia kuma Saúlo uala ku mu kanena ku mu bhanga kiaiibha! Anga u ambela nganga Abiiatale, uixi: Beka kunu efodi.