Marku 16:19 - O Mikanda Ikola

¹⁹ Kiki Ngana Jezú kia zubha kuzuela-nâ, a mu tambula ku diulu, iú ua xikama ku madilu ma Nzambi.

Marku 16:19 ပူးပေါင်းရင်းမြစ်များ

Jisálamu 110:1

Jihova ua ki ambe kua Ngana HU iami, uixi: Xikama ku mbandu iami ia madilu, katé ki ngi ku bhanga o jinguma ji kala kibaka kié kia kutula inama.

Marku 16:20

O maxibulu anga a muangana, he a boka o Njimbu Iambote mu ididi ioso. Ngana muene anga u kalakala-nê, he u kuatesa o Maka-mê ni ijimbuete ia madiuanu ia kaiela-ku.]

Luka 22:69

Maji tunde lelu kiá, Monʼ a Muthu ua-ndu xikama ku madilu ma Nzambi Uatena Ioso.

Luka 9:51

Anga ki bhita kuila, kizuua ki kia zukama, kia Jezú ku mu katula mu ngongo, ni kubanda kiá ku diulu, Jezú u dia nguidi ia kuia ku Jeluzaleme.

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 16:28

Nga tundile kua Tata, eme ngeza mu ngongo. O kiki-phe ngi xa mu ngongo, hé ngiia kua Tata.

Nzuá 17:13

Kiki-phe ngiza kiá ko kué. Maji imʼiíi-phe nga i zuelela mu ngongo phala o ngalasa iami ni i tenene moxi dia miẋima iâ.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Nzuá 21:15

Bhenhobho kia zubha kudiaúla, Jezú uambela Ximá Phetele uixi: Ximá, monʼ a Jona, eie ua tundu iá mu ku ngi zola? Muène uixi: Eue, Ngana! Eie ua kʼijiia, kuma nga ku zola. Kuala Jezú: Disa o tumbudi tuami.

Nzuá 21:22

Jezú, uixi: Eme se ngandala kuila muène u xalela-ku, katé bhu nga kejiia, eie kia ku kuatela-hi? Eie, ngi kaiele eme!

Nzuá 6:62

Ki kala-phe kiebhi hádia, se mu tala Monʼ a Muthu iú banda kunhá, kua kexile mʼ okulu?

Jipoxolo 1:22

tunde bhu batizu ia Nzuá, katé bhu kizuua kia tu tambulanê ku diulu, kua bhingi tu sola-ku muthu, tu kale-nê mbangi ia kufukunuka kuê.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.

Jipoxolo 3:21

O muène kia bhingi diulu di mu tambula hanji katé bhu thembu ia kubhangulula ima ioso, kala kia tanga Nzambi, mu kanu dia jipolofeta jê jikôla, jeniê tunde ukulu.

Loma 8:34

Nanhi dingi u tena kua êlesa? Muène Kristu Jezú ua fuile, mba inda ngambe ngixi, ua fukunuka mu ʼalunga, kiki iú uala ku madilu ma Nzambi muène, mu ku tu diondela.

Kolose 3:1

Enu mua fukunukina kumoxi ni Kristu, mua tundu muʼalunga enu mueza ku muenhu. O ki kala-phe mua fukunukina kumoxi ni Kristu, ndokuenu mu sote ima iala bhulu bhu aii Kristu, bhua xikama ku madilu ma Nzambi.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Jihebeleu 4:14

Uila kiki, tu kolokotienu mu kuxikana ku tuala na-ku. Kuma tuala ni Nganga ia Dikota uala bhu pholo ia Nzambi—Jezú, o Monʼ a Nzambi.

Jihebeleu 6:20

Kuenioko kuene kua tu tuamenena kubokona musonguedi uetu, Ngana Jezú. Muene iú ua di bhange Nganga ia Dikota i xalela-ku, mu kihindu kia ungana ua Melekizedeke.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

Jihebeleu 8:1

Kiki-phe, o ima i tua kuata kuzuela, o diba diê dia kate-ku dienʼidi: Tuala ni Nganga ia Dikota iú, ua xikama ku madilu bhu kiandu kia Ungana-ua-diulu, kia Nzambi-Muteni-a-Ioso.

Jihebeleu 9:24

Kuma Kristu ka bokona mu Kididi-Kikôla kiokalakale ku maku ma athu, ki fikisa ngó mu kidi o Kididi-Kikôla. Maji ua bokona muene ku kidi mu diulu, iú ua tu imanena kindala bhu pholo ia Nzambi mu ku tu diondela.

I Phetele 3:22

ió uaii ku diulu, iú uala ku madilu ma Nzambi. O kuenhoko ni ji-anju, ni makota ma ji-anju, ni mazonda ma mu belesela muène.