Marku 16:14 - O Mikanda Ikola

¹⁴ Jezú anga u tukulukila kiua ene oso, o kuinhi ni umoxi, kia xikama mu kudia, he u a bazela mukonda dia kuxibhaka ni kukola o muẋima, mukonda nguauâ kuxikana kia zuela io oso a mu mono ua fukunuka.

Marku 16:14 ပူးပေါင်းရင်းမြစ်များ

Dialuilu 14:11

Jihova anga u ambela Mozé, uixi: Mbambe bhebhi bhu suka kifuẋi kiki, ni ku ngi tènda? Katé bhebhi ni kukamba ku ngi xikana, ku thandu dia isuma ioso i nga kalakala muʼaxaxi kâ?

Matesu 11:20

Jezú muene anga u kuata kulongolola jimbonge mua bhangele o ikalakalu iê iavulu ia nguzu, mukonda dia ene kufula kudiela, uixi:

Matesu 17:20

Muène ua ambela, uixi: Mukonda o kuxikana kuenu kua tolo. Kuma ngi mi ambela kidi, se mu kala ni kuxikana né kua sokoʼé ngó ni lumbundu lua mbutu ia mustarda, mua kʼàmbela mulundu iú, muixi: Sondoloka bhabha, uie bhaná! Uene ua kà sondoloka. Enu mu kala ni kutena, kana kima ki mu lémbua. [

Matesu 28:17

O kia mu mono, a mu sambela; amoxi-phe a kala ni jiphata.

Marku 7:18

Muene, uixi: Enu mua soko ni akuenu! Kífua ki mualʼiki, enu uenu, mua kambe kuijiia? Ki mu kʼivu, kuma kioso ku kanga ki bokona mu muthu ki ki tena ku mu kasanesa?

Luka 24:11

Ene-phe, makʼ ama, a ma fika kuma masambi-sambi, ka ma xikana. [

Luka 24:25

Muène anga ua ambela, uixi: Enu tata, mua xiti kinène mu thulu, enu mua kokoloka muẋima mu kuxikana ima ioso ia zuela o misèsedi!

Nzuá 20:25

Jixibulu ni akuá anga a mu tangela, exi: Etu, Ngana tua mu mono! Muène-phe, uixi: Se nga kambe kumona bhu maku-mê o itote ia jipheleku, anga ngi ta mulembu uami mu itote ia jipheleku, anga ngi ta lúkuaku luami bhu mbanji iê, eme ki ngi xikana!

Nzuá 20:26

Kia bhiti nake dia izuua, jixibulu ji kala luamukuá mʼ onzo, ni Tomé iú momo. Jezú anga uiza, sumbala o mabhitu mòjike kiá, anga uimana bhu ʼaxaxe kâ, uixi: O uembu u kale ni enu!

Nzuá 20:27

Anga uambela Tomé, uixi: Tá mulembu ué bhabha, u ngi tale maku. Sunununa ue kunu o lúkuaku lué, u lu te bhu mbanji iami. Ku kale ni jiphata, inda u xikana.

Nzuá 21:1

Kia bhiti kiki, Jezú u tukulukila dingi jixibulu jê bhu mbandu ia kizanga kia Tibeliiade.

Nzuá 21:14

Lulu tatu kiá, Jezú kutukulukila o jixibulu jê, tunde kia fukunuka mu afi.

Jipoxolo 1:3

Kuma kia zubhile kubhita ni phaxi ia kúfua kuê, Jezú ua di tukulula ni muenhu kua ene, ni ijidisu iavulu i zubha o jiphata, kuila uala muene ku muenhu. Kuma o Jipoxolo, Jezú ua a monekena jinga mu makuinhi auana a izuua, anga u kuata ku a zuelela o ima ia tokala ku Utuminu ua Nzambi.

I Kolindo 15:5

anga u dianga kutukulukila Phetele, hé u tukulukila kiua o kuinhi ni kiiadi.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.