Marku 15:19 - O Mikanda Ikola

¹⁹ Anga a mu beta ni muxi mu mutue, a mu ṗhamena mathe, anga a fukama, he ela kala a mu mu bheza.

Marku 15:19 ပူးပေါင်းရင်းမြစ်များ

Dimatekenu 24:52

Bhenhobho, o selevende ia Mbalahamu kievu o kuzuela kuâ, u mbolomoka mu mavu, u diunda kua Jihova.

Dimatekenu 43:28

Ene a vutula, exi: Selevende ié, tatʼetu, uala kiambote; iú-é hanji ku muenhu. Anga a bhetama dingi, a diunda.

I Jisobha 19:18

Eme nga xalesa ue sambuadi dia midi ia muthu mu Izalaiele, ió o jiphuna jâ joso ki ja fukamena Bahale, ni dikanu diâ dioso ki dia mu bhana jibeju.

Jobe 13:9

Kieji ku mi uabhela, se muene u mi solokota? Inga mu mu tobhesʼé kala kia tobhesa muthu uoso-uoso?

Jisálamu 69:12

A xikama bhu njangu, eme muene ngi diba diâ dia maka; ngaii kiá ni mu muimbu ua jihôlua.

Izaía 45:23

Nga di-lokela mu dijina diami eme-muène; kizuela kia kidi kia tundu mu kanu diami, kizuelu kiami ki ki vutuka kuema, kuma ki di kumbidila muene; uila kiki, ngedi: Phuna joso ja kà ngi fukamena muene, o madimi moso ma kà ngi fisala mu kuloka.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Izaía 50:6

O dikunda diami ngi di bhakuila ió oso a ngi beta, oso a ngi vuza o muezu eme ngʼa ehela o matama; bhu kala o ku ngi tembula ni ku ngi thuthuina mathe, pholo iami ki ngi i sueka, kana.

Izaía 52:14

Kala kia sasumuka athu a vulu mu ku mu mona, kuma o pholo iê ia kitulukile kiavulu, kedi ngó kala kiene o athu nʼakuá, kidifua kiê ku ki fikisa ni kia anʼa athu mu ngongo.

Mikeia 5:1

Kindala bhongolola o masoladi mé ku ibuka-ibuka, eie monʼa kilumba, a ku vuala kuala ilolo ia ita! Kuma a-nda ku tu kondela bhu kaxi; o mufundixi ua Izalaiele a-nda ku mu kuama ni mbangala ku jinganzuánzua.

Matesu 27:30

Anga a mu ṗhamena mathe, a mu tambula dianga, a mu beta na-diu mu mútue.

Marku 10:34

Ene a mu bhanga kasekelu, a mu ta mathe, a mu beta ni jixikote, he a mu jibha. Maji ki bhita izuua itatu-phe, ua ka fukunuka.

Marku 14:65

Amoxi-mu anga a kuata ku mu ṗhamena mathe. A mu futa o pholo, anga a mu bhana jihome, exi: Zambulaze uoso ua ku beta! Jifixiiadi anga ji mu tambulula ni jihuxi.

Marku 15:18

Anga a kuata ku mu menekena exi: Tana-ku! Eie u sobha ia Jijudé!

Marku 15:20

O kia zubha ku mu sebulula, a mu zula o kapote kakusuka, a mu zuika o izuatu iê-muène. Anga a tubhuka mu lumbu, aia-nê ku kanga phala ku mu ta ku dikulusu.

Marku 9:12

Kuala muene: Kidi kiene, Elija u dianga kuiza, he u bheka ima ioso mu uiukilu ue. Maji a ki soneka-phe kiebhi mu Mikanda ia Nzambi kuma Monʼa Muthu u tokala u bhita mu jiphaxi javulu, ni ku mu tobhesa?

Luka 22:63

Mala iá a kuata Jezú, anga a kala ku mu bhanga kasèkelu, a mu beta.

Luka 23:11

Helode-phe ni masoladi mê, hé a mu tobhesa, a mu bhanga kasèkelu, a mu zuika izuatu ia kukemba, hé a mu vutula dingi kua Pilatu.

Luka 23:36

Masoladi ue ma mu tobhesa. A mu zukama, hé a mu idikiza vindangele kala anda ku mu bhana-iu, exi:

Loma 11:4

Nzambi-phe ua mu vutuilile kiebhi? Ua mu ambela, uixi: Hanji nga subhuka ni sambuadi dia midi ia muthu, kiluua a fukama phuna kua Bahale, o nzambi ia makutu.

Filipe 2:10

Uila kiki, mu kujingisa o dijina dia Jezú, ene oso a di fukamena, kixi ió ala mu diulu, kixi ala mu ngongo, kixi ala koxi a mavu mu ʼalunga.

Jihebeleu 13:13

Uila kiki-phe, tu tundienu mu kilombo, tu kane Jezú muène, ku kangʼoko, ni kuambata o dilebhu diê.