Marku 15:10 - O Mikanda Ikola

¹⁰ Kuma muene ua mono kuila, o jinganga ja makota, Jezú a mu thelekala kokue mukonda ngo dia ku mu kuatela luma.

Marku 15:10 ပူးပေါင်းရင်းမြစ်များ

Dimatekenu 37:11

Jiphange jê anga a mu kala ni luma; maji o tatʼâ-phe ua bhake maka enhá ku muxima uê.

Jisabhu 27:4

Njinda kifumbe, o kuthathamana ku bhanga kiaiibha; maji nanhi u tena ku di fikidila bhuala o difuba?

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Matesu 27:18

Mbata Pilatu muene ua kʼijiia kuila o Jezú a mu thelekala ngoho mukonda dia dixinga dia mu kuatelele ene.

Marku 15:11

Jinganga ja makota-phe ji kala mu funhisa o mundu, phala a bhinge ku a jituina Balaba.

Marku 15:9

Pilatu ua kumbulula, uixi: Mua mesena ngi mi jituina sobha ia Jijudé?

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

Tiiaku 4:5

Inga mua fika kuma o Madivulu Makôla ma ki zuela ngoho, kuila: Nzumbiʼoio, a mu ta Nzambi moxi dietu, ua tu indi ni difuba.

I Nzuá 3:12

Ki tu sokele ni Kaini ua tokalele kua Diabhu mukua kutondalesa, anga u jibha phangʼiê. Mukonda diahi kia mu jibha? Mukonda o Kaini imbamba iê ia bhangele iaiibha, o ia phangʼiê Abele iaiuka.