Marku 15:1 - O Mikanda Ikola

¹ Kithangana, ki kuakie mu kimene, jinganga ja makota, ni adiakimi a Jijudé, ni jimesene ja kulonga o Kitumu, ni Kionge kioso kia Jitata, ki bhongoloka ku maka, anga a kutisa Jezú, aia-nê mu ku mu thelekala kua Pilatu.

Marku 15:1 ပူးပေါင်းရင်းမြစ်များ

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Matesu 5:22

Eme-phe ngi mi ambela kuma, uoso u kuatela ngó mukuá njinda, u kala muêdi ua ku mu fundisa kuala afundixi. O uoso uâmba mukuá, uixi: U semenhi, u kala muêdi ku kionge kia jitata. Uoso-phe uila: U kiôua kia ngoho, u kala muêdi ua túbhia tua ifernu.

Luka 22:66

Ki kuákie-phe, o Kionge kia jitata joso ja mundu ki bhongoloka, ni makota ma jinganga, ni asoneki, muène anga a tuma ku mu bheka bhu ʼaxaxe-kâ.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.