Marku 14:72 - O Mikanda Ikola

⁷² Kithanganʼokio dikolombolo di kokola lua kaiiadi. Phetele anga u tukumuka o maka a mu ambela Jezú kuila: Dikolombolo bhu dia ka kokuela luiadi, eie ua ngi di tuna lutatu. O kia zubha ku ki banza, kia mu kuata ku muẋima anga u dila.

Marku 14:72 ပူးပေါင်းရင်းမြစ်များ

II Samuuele 24:10

Muẋima ua Davidi-phe u mu êlesa, kia zubha kukuata konda ia mundu. Davidi anga u ambela Jihova, uixi: Nga te kituxi kiavulu mu kubhanga kima kiki. Kiki-phe, u Jihova, mulonga ngi katule-u, ngi mubhikʼé, nga ku diondo; kuma nga bhange uoua uavulu.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Izekiiele 36:31

Kinhókio-phe kiene kiua ki mua kà banza o njila jenu ja ibha, ni ibhangelu ienu, muexi ki i iukile? Anga mua kà di kala ni fokoso enuʼenu-muène, mukonda dia makuiibha menu ni maufusa menu.

Izekiiele 7:16

Kua kà subhuka ngó oso a kà subhuka momuʼâ, maji a kà di uanena ku milundu uila membe a jihonga, ene oso a kuata o kukema muthu ni muthu, mukonda dia kuiibha kuá.

Matesu 26:34

Kuala Jezú: Kidi kiene ngi ku ambela, kuma usuku uenhú, kioso o dikolombolo kiluua di kokola, eie uanda ku ngi di tuna luatu kuila ku ngʼijiia.

Marku 14:30

Jezú u vutuila Phetele, uixi: Kidi kiene ngi ku ambela kuila, eie-muene lelu, mu usuku uenhú, dikolombolo bhu di kokuela luiadi, eie ua ngi di tunu kia lutatu, ni kuila kuma eie ku ngʼ ijiia.

Marku 14:68

Muene-phe ua di tunu uixi: Muenho eme ki ngi mu ijiia. Ki nga kʼijiia ue ngo kioso eie ki uala kuzuela. Anga u tubhuka ku mbalanda; kienhokio dikolombolo anga di kokola.

Marku 14:71

Phetele muene-phe u kuata kuxinga ni kuloka, uixi: Xinge phaietu muene! Muthu mua mu tangeʼó, ki nga muʼijiia! Se nga tange makutu, Nzambi a ngi bhane kaxtiku.

Luka 22:60

Phetele-phe, uixi: Èhé! Eie ialʼé, eme ki nga kʼijiia kioso ki ua mu zuela! Kindala kienhokio-phe, kioso ki ala hanji mú zuela, dikolombolo di kokola.

Luka 22:62

Bhenhobho Phetele anga u tunda bhu kanga, hé u ẋikujuka ni kudila.

II Kolindo 7:10

Kuma o mukondo se a u uzala kuala Nzambi, u bhekela kudiela kubhangesa kubhuluka. O ku kima kala kiki, ki kuene dingi kuila tamanu ki nga ki bhangele. Maji o mukondo-phe ua mundu, u bhekela kufua.