Marku 14:38 - O Mikanda Ikola

³⁸ Langenu, mu sambe, phala ki mu di bhale mu mubhetu. O nzumbi ietaia kidi kulua ni tendasá, o xitu-phe iabhuila.

Marku 14:38 ပူးပေါင်းရင်းမြစ်များ

Matesu 24:42

Langidilenu-phe! Mbata kizuua kià keza Ngana ienu ki mua kʼijiia.

Matesu 25:13

Enu uenu langidilenu-phe, kuma kizuua ki mua kʼijiia, kithangana ki mua kʼijiia.

Matesu 26:41

Langidilenu, mu sambe, phala ki mu di bhale mu mubhetu ua Nguma. Nzumbi ia xikina kidi o kùlua ni jitendasá, maji o xitu-phe ia bhuila.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Marku 14:34

Anga ua ambela ene, uixi: Muẋima ua ngi kenanana kinene, bhulu-bhulu dia kufua! Xalenu bhenhabha, mu lange.

Marku 14:37

Anga uiza, u sanga o maxibulu kitatu kia aiʼâ ku kilu, anga u ambela Phetele, uixi: Ximá, kífua uie ku kilu? O kulangidila ola ngo imoxi, ua ki tokoka?

Marku 14:39

Anga uia dingi u samba, mambu ene amoxi.

Luka 21:36

Uila kiki, di langienu-phe ithangana ioso, ni kudionda mu kusamba, phala mu tene kubhuluka ku ima ioso iíi, ni kuimana nzànza bhu pholo ia Monʼa Muthu.

Luka 22:40

Kia zubha ku bhixila bhu kididi kia solo, ua ambela, uixi: Sambenu, phala ki mu di bhale mu tendasá.

Luka 22:46

Enu-phe mua zekela-hi? Balumukenu, mu sambe, phala ki mu di bhale mu tendasá.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

Ngalásia 5:17

Mbata o xitu i kuata hanji ia iibhila o Nzumbi, o Nzumbi i kuata o hanji ia iibhila o xitu; kuma kiiadʼiki kia di zemba; phala enu mu lémbue kubhanga o ima i mua mesena.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.