Marku 14:36 - O Mikanda Ikola

³⁶ Anga u kala mu samba, uixi: Abha Tata! Eie ima ioso ua i tena. Dikáu didi dia phaxi, ngi katule-diu. Maji-phe ki ngʼinda eme kana, inda ki uinda eie.

Marku 14:36 ပူးပေါင်းရင်းမြစ်များ

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

Jisálamu 40:8

Nga sanguluka mu kubhanga ki ua mesena eie u Nzambi iami; xi, mbata, o ngonge ié ia ngi kala moxi dia muẋima.

Jelemiia 32:27

Tala-ze, eme Jihova, Nzambi ia Xitu ioso; mbé sai-ku kima kioso-kioso ki ngi bhekela ku diuana?

Matesu 26:39

Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.

Matesu 26:42

Anga lua kaiadi dingi uia, u samba, uixi: Tata iami, se kia bhingi kuila dikáu dia phaxi didi ki di tena ku ngi somboka, katé ki ngi di nua, kioso ki ua solo Eie ki bhite.

Matesu 6:9

Kienhiki, mu kusamba kuenu, muila kala kiki: Tata ietu uene mu diulu, dijina dié a dixile.

Marku 10:27

Sui kuala Jezú, uixi: Ku athu ki kamba ku xikina, kua Nzambi phe kana. Kuma kua Nzambi iene ioso i xikina.

Marku 10:39

Exi: Tua soko-bho. Kuala Jezú: Kidi! Dikáu di ngi nua eme, mu di nua muene; a mi bhitisa ue o batizu ia ngi batizala eme.

Marku 14:37

Anga uiza, u sanga o maxibulu kitatu kia aiʼâ ku kilu, anga u ambela Phetele, uixi: Ximá, kífua uie ku kilu? O kulangidila ola ngo imoxi, ua ki tokoka?

Nzuá 12:27

Jezú uixi dingi: Muẋima ua ngi kenanana! Ngʼ ila kiebhi? Tata, ngi bhulule, kumbi didi ki di ngi tule? Kana! Kiene muene kia ngi bheka, eme nga bhixila bhu kumbi dienhidi.

Nzuá 18:11

Jezú anga uambela Phetele, uixi: Fomeka o xibhata ié mu kizu! Eie ua fika kuila dikáu dia ngi bhana Tata, manhi ngi kamba ku di nua?

Nzuá 4:34

Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.

Nzuá 5:30

Jezú anga u kala dingi mu ku a tangela, uixi: Eme kʼ ubheka uami, ki ngi tena kubhanga kima, ki kala ki ngʼívua kua Tata, kiene ki ngi fundisa. O kufundisa kuami-phe kua kidi, mukonda ki nga-lu sota kubhanga vondadi iami, maji o vondadi ia ió ua ngi tumu.

Ngalásia 4:6

O mu kuidikiza kuila tuala tu anʼê, Nzambi ua tumikisa Nzumbi ia Monʼ ê mu miẋima ietu, o Nzumbi i tena kudikola: Abha, Tata!

Filipe 2:8

o kia zubha kutukuluka mu kidifua kia muthu, muène ua di tununa, anga u tumaka katé mu kufua—kufua-phe kiá kua sebuluka kua dikulusu.

II Timote 2:13

Se tua kambe kukala jifiiele, Muène hanji u xala fiiele, Kuma muène ka tena kualuluka.

Tito 1:2

Ubhezelu ua xamenena mu kudielela o muenhu ki uàbhua. Nzambi ka moneka makutu, muène ua tu kanena-nâ tunde xahulu ku dimatekenu dia ithangana ioso.

Jihebeleu 6:18

Phala bhu kale ima iiadi iakolo, ia bhingi Nzambi mu ku i tanga ka tena ku kala ni makutu, phala ku tu suinisa kiavulu o miẋima, etu oso tua lengela kua Muène, tueza, tua kuata o kudielela kueniʼuku kua tu bhana.