Marku 14:33 - O Mikanda Ikola

³³ Anga u katula Phetele, ni Tiiaku, ni Nzuá, phala a kale-nê bhenhobho. Kithangana kienhokio Jezú anga u kala ni mukondo, u tata kiavulu.

Marku 14:33 ပူးပေါင်းရင်းမြစ်များ

Jisálamu 38:11

O makamba mami ni jinzukame jami, a ngi sondoloka mukonda dia uhaxi u ngala na-u; o jindandu jami jemanena kiá mu kanga.

Izaía 53:10

Maji kiene-phe kia uabhelele Jihova, o ku mu tutujula ni ku mu katesa; kioso o muenhu uê kia u bhanga kiamenga kia kituxi, muene ua-nda kumona o mbutu iê, ua-nda kuvula izuua ia kulaia, o kioso kia uabhela Jihova, kia kà Zediuila bhu lukuaku luê.

Marku 16:5

O bhenhobho ene kia bokona mu mbila, a sanga munzangala ua diiala ua xikama bhu mbandu ia kadilu, ua zuata kizuatu kiazele, kialebha. Anga a sasumuka kinene!

Marku 16:6

Muene he ua ambela, uixi: Ki mu sasumuke! Mukonda ngejiia kuila mualu sota Jezú dia Nazalé a mu tele ku dikulusu. Muene ua fukunuka kia; bhabha kala-bhu dingi. Talesenu o kididi bhua mu tudile!

Marku 5:37

Muene kʼehela dingi muthu ku mu kaiela, kikale ngo Phetele, ni Tiiaku, ni Nzuá phange ia Tiiaku.

Marku 9:15

Kithanganʼ okio kifuẋi kioso, kia mono Jezú, a sasumuka, anga a lenga ku mu menekena.

Marku 9:2

Kia bhiti izuua isamanu, Jezú u katula Phatele ni Tiiaku ni Nzuá, anga uia-nâ ku mulundu ua di leka, ubheka ua. Muene anga u kituluka bhu pholo ia.

Luka 22:44

Malamba mê anga u kumbama na-u, anga u samba dingi ni nguzu. O suualu iê anga i biluka kala matoxi ma makota ma manhinga, ma-la kuenda ni kumbomba bhoxi.]

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.