Marku 14:25 - O Mikanda Ikola

²⁵ Ngi mi ambela kidi, kuma eme, ku sumu ia muvide, ki ngi nu-ku dingi, kate kizuua ki nga ka i nua ia ubhe, mu Utuminu ua Nzambi.

Marku 14:25 ပူးပေါင်းရင်းမြစ်များ

Jisálamu 104:15

ni vinhu phala muẋima ua muthu u sanguluke, ni maji phala pholo iê i lelame, ni musa phala a kale ni nguzu mu mukutu.

Jouele 3:18

Kieneʼokio-phe milundu ia kà zunzumuka vinhu ia ubhe, tu thuthulundu tua kà bhubha lete, jingiji joso mua Juda ja kèzala menha, mʼonzo ia Jihova mua kà di bhanga otho ia menha, a kungulukila mu dikôlo dia Xitime.

Zakadiia 9:17

Mukonda muene o jihenda jê jivula! O kuiuka kuê kuahi ngó! Minzangala ia mala ia ka tambula nguzu mukonda dia tiluku, o anʼa ilumba mukonda dia vinhu ia uisu.

Matesu 26:29

Ngi mi ambela-phe: Tunde kiki, ku sumu ia muvide ki ngà ka nua-ku dingi, katé ki nga kà i nua ia ubhe, ni enu kiá kumoxi, ku mbanza ia Tata iami.

Marku 14:24

Uixi: Ia, ene o manhinga mami, a lunduluka mu mulonga ua athu avulu. Ene o manhinga a kuatesa o Kikutu Kiòbhe bhu kaẋi ka Nzambi ni athu.

Marku 14:26

O ki a zubha kuimba o muimbu, a tunda, aia ku Mulundu ua Midiva.