Marku 13:8 - O Mikanda Ikola

⁸ Kuma kifuẋʼiki, kia ka lua ni kifuẋi kia mukua; kilômboʼiki kia ka lua ni kilombo kia mukua. Ku kala kinuminu kia bhoxi ki tungutisa mikau iavulu; kukala ue jinzala mu jixi. Imʼiíi-phe diandekelu ngo dia misusu, kala ia iu uala ku isènda.

Marku 13:8 ပူးပေါင်းရင်းမြစ်များ

II Malunda 15:6

Mbata athu a di lungulukila mudiâ, o sanzala i lungulukila sanzala ia mukuá, aia ni ku di jibha-jibha; mukonda Nzambi ua a bhondeleka ni mukondo uoso uavulu o matelu.

Jisálamu 48:6

Mueza kimbulambula, ni misusu kala ia muhatu ua mu vuala.

Izaía 19:2

Kuma akua-Ijitu nga kà a zokesa ni akua-Ijitu; kala muthu ua kà bhânga ni phangʼiê, kala muthu u di-balukila ni mukuá, o mbanza ibalukila mbanza ia mukuá, o utuminu iú ubalukila utuminu ió.

Izaía 29:6

Jihova dia Ilômbo Ieta ua-nda ku ku kana ni inuminu, ni kitungutisu kia mavu, ni kixindu, ni kibhungu kia suína, ni kalemba, ni mulengo ua túbhia, hé i ku buikisa.

Izaía 37:3

Ene anga a mu tudila, exi: Ezekiia uambe kiki: Kizuua kiki kizuua kia jingongo, kia malebhu, kia jindaka; kuma ana a bhixila ku isènda, maji o nguzu ia ku a vuala ki tuala na-iu.

Jelemiia 13:21

Ua-nda kuzuela kiebhi, kia-nda ku ku tela o makamba mê enhó ku thandu dié phala ku ku tumina? Oko eʼmuene-muène ua a longo-kio kia ku ku bilukila? Abha o misusu ki ia-nda ku kuata kala muhatu uala ku mika ia kuvuala.

Jelemiia 22:23

Eie ua tunga mu Libanu, eie ua-te kikalanga mu misédulu! O kia-nda ku ku kuata o mika, ni misusu kala ia muhatu uala ku isenda, ua-nda ku di uana!

Jelemiia 25:32

Jihova dia Ilombo Ieta iú uambe kiki: Tala, kuxixima kua-nda kutunda mu ixi ni ku bokona mu ixi ia mukuá, anga ku a kà fundumuka dilamba dia dikota ku maẋokololo ma jixi.

Jelemiia 4:31

Mbata ngala kuivua kiá mbimbi mukua ni muhatu uala ku isenda, mika kala ia ió u vuala mona ua phande-kumbi; diene o dizue dia mona Ziione ua muhatu, uiza ni kuhaha, iú ua mu sunununa o maku, uixi: Uaué! Kindala kokolo diami: mukonda o muenhu uami uambuka bhu pholo ia ijibhanganga!

Jelemiia 49:24

Damasku ua iokojoka; ue te-ku dikunda phala kulenga, kiteketela kia mu kuata; kimbuua ni misusu ia mu tambula mukutu uoso kala muhatu ua mu vuala.

Jelemiia 50:43

Sobha ia Babilonha uevu fuma iâ, o maku mê iá a botomoka; kimbuua kia mu kuata, kua muiza misusu, kala muhatu ua-nda ku vuala.

Jelemiia 6:24

Etu tua evu fuma iâ; ni maku metu ma bulukuta kiâ; kua tuiza jingongo, mika kiá kala ia kivuadi ku isenda.

Ajeu 2:22

Nga kà tungutisa diulu ni oxi, anga nga kà lundumuna o kiandu kia ma-unganga moso, anga nga kà bhuisaku o kutena kua ma-utuminu ma jixi joso; anga nga kà sokomona o dikalu ni oso a xikama-mu; ni jikabalu ni iá oso a ji mondala, a kà dibhala ku xibhata, mu ku di lungulukila mudiâ.

Zakadiia 14:13

Mu kumbi dienhódio, Jihova ua kà kuua uoma ua vulu mu kaxi kâ; mukonda kala muthu ua-nda kua kà kuata mukuá mu lukuaku ẋaba! Muthu ua kà zengela mukuá lukuaku phala ku mu banga kiaiibha.

Matesu 24:8

Ima ioso iii-phe dimatekenu ngó dia malamba, kala misusu ia muhatu ua-nda kuvuala.

Marku 13:7

O ki mu ívua ita ni minumango ia ita, ki mu ki tukumuke, mukonda imʼiíi i bhinga i dianga kubhita, o dizubhilu-phe kiluua.

Marku 13:9

Enu-phe di langienu! Kuma a ka mi kuta ni ku mi thelekala bhu kionge phala ku mi fundisa, a ka mi beta mu malombe. Mukonda diami a ka mi bheka bhu pholo ia jinguvulu ni enexi, enu he mua ka a tudila o Njimbu Iambote, mu ku a bhana umbangi.

Jipoxolo 11:28

Mudiâ anga mu kala muthu dijina diê Akabu, uimana, hé u tuma kuijidisa ni kutena kua Nzumbi Iambote kuma, kuanda ku kala nzala ia dikota mu ngongo ioso. O nzalʼ iii ia bhiti mu izuua ia kexi mu tumina Kaláudio.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.

Dijingunuinu 6:4

Anga ku tunda kabalu kamukuá kakusuka. O ua mondala-ku, a mu bhana o kubheka ita mu ngongo, ni kubhangesa athu kudijibha-jibha mudiâ. Anga a mu bhana kixibhata kia dikota.