Marku 13:6 - O Mikanda Ikola

⁶ Sai athu avulu, a keza mu dijina diami, exi: Emʼiú ngi Kristu! A ka bhomba athu avulu.

Marku 13:6 ပူးပေါင်းရင်းမြစ်များ

Jelemiia 14:14

Jihova ua ngambela: O Jipolofeta a zambula makutu mu dijina diami; nuka nga a tumine; né ngó kuila nga a bhana ngonge, mba ku a zuelesa; a zambula kisuma kia makutu, muzambu ua kusuma kua ngó, ni ukumbu, ni mangonha ma funha ngó mu muẋima uâ, iene ima iala ku mi zambuila ene.

Matesu 24:11

Bhua kà tukuluka jipolofeta javulu ja makutu, ji kala mu jimbidisa mundu uavulu.

Matesu 24:5

Kuma avulu à keza mu dijina diami ni kuila: Eme ngi Kristu! A kà jimbidisa athu avulu.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Marku 13:5

Jezú anga u kuata ku a zuelela, uixi: Alukenu, kana muthu a mi jimbidise.

Marku 13:7

O ki mu ívua ita ni minumango ia ita, ki mu ki tukumuke, mukonda imʼiíi i bhinga i dianga kubhita, o dizubhilu-phe kiluua.

Nzuá 5:43

Mbata eme ngeza mu dijina dia Tata iami, enu-phe ki mu ngi tambulula. Se muthu uengi uoso-uoso uiza mu dijina diê-muène, muenhó enu muene mu mu tambulula.

Nzuá 8:24

Kiene ki nga ki zuelela kuma muandʼ ufua mu ituxi ienu. Mbata se mua kambe ku ngi xikana eme, muandʼ ufua mu ituxi ienu.

Nzuá 8:28

Kienhiki Jezú anga ua ambela, uixi: Ki mua kà zubha kuzangumuna o Monʼa Muthu, kiene ki muà kejiia mba Eme mukua-hi. Muà kejiia ue kuma Eme ki ngi bhange kima kʼ ubheka uami ngó, maji nga zuela kala kia ngi longo Tata.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.