Marku 13:33 - O Mikanda Ikola

³³ Alukenu-phe, mu langidile, mu sambe; kuma o thembu ki mua ijiia.

Marku 13:33 ပူးပေါင်းရင်းမြစ်များ

Matesu 25:13

Enu uenu langidilenu-phe, kuma kizuua ki mua kʼijiia, kithangana ki mua kʼijiia.

Marku 13:23

Enu-phe di langienu! Talesenu, Eme nga kalanga ku mi tangela ima ioso, kiosuʼiki kiluua i bhita.

Luka 12:40

Enu uenu di iudikienu; mukonda o kumbi ki mu di fika, Monʼa Muthu diene dià keza.

Loma 13:14

Maji kuatenu o mata a Ngana Jezú Kristu, o xitu ki mu i te dingi muẋima, kuila mu kaiela ngó kubhanga o jihanji jê.

I Kolindo 16:13

Di langienu, mu di fikidile mu kuxikana. Bhangenu ukuenze, mu suine.

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

Kolose 4:2

Kolokotenu mu kusamba, muila ni kulangidila ni kusakidila jinga Nzambi.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

Dijingunuinu 16:15

Ivuenu: Eme hinu ngʼiza kala ngi muii! Ua zediua ió uoso ua di lange, ua bhake kiambote o izuatu iê, phala kende ni tuẋi, nʼa mu kuatese jisonhi bhu pholo ia mundu!

Dijingunuinu 3:2

Di lange-phe, u kuatese ima ia xala-ku, ia-lu sota kufua. Mukonda ki nga ku mono ni kubhanga kimbamba kia tenena bhu pholo ia Nzambi iami.