Marku 13:27 - O Mikanda Ikola

²⁷ Muene ua ka tuma ji-anju je ni ji bhongolole athuʼê angene ku mbandu jiuana ku tunda o kitembu, tunde kua suku oʼxi kate kua suku o diulu.

Marku 13:27 ပူးပေါင်းရင်းမြစ်များ

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Izaía 65:9

Nga ká sokolola mbutu mua Jakobo, o mua Juda nga kà tungula-mu mulundudi, muene u tambula konda ia milundu iami; jithungunu jami a kà lundula oxi, jiselevende jami muene mu a kà tunga.

Zakadiia 2:6

Jihova, uixi: Enu, tata! Ku ixi ia suku kindala lengenu-ku; mukonda nga mi muange mukua ni itembu i uana ia diulu; Jihova muene ua ki tange.

Matesu 12:42

Sobha ia Sulu ia muhatu mu kizuua kia kufundisa ua kà balumuka mu ku funda ni muiji uenhú, nʼa u belesa; mbata muène ua tundile kua suku oxi, hé uiza mù kuivua o unjimu ua Solomá. Bhenhabha-phe sai-bhu ni iú ua tundu Solomá!

Matesu 13:41

Monʼa Muthu ua kà katula ji-anju jê, ni ja kà bhongolola mu Utuminu uê o ima ioso i bhangesa kudibhala, ni oso a bhanga úsueia,

Matesu 13:49

Ni ku dizubhilu dia mundu, kiene ue kia kà bhita. O ji-anju ja kà tunda mu ku tungula athu aiibha, mua iá aiuka.

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Marku 13:20

Ngana se ua kambele kufikisa izuuʼ oio, kana xitu ieji kubhuluka. Maji mukonda-phe dia athuʼê angene a Nzambi, a solo muene phala ku a bhulula, izuua ienhoio a i fikisa kia.

Marku 13:22

Mukonda kua ka tukuluka ji-Kristu ja makutu, ni jipolofeta ja makutu, a kèdikiza isuma ni madiuanu, phala a tàmbe kate ni anʼ angene a solo Nzambi, se ki xikina ku ki bhanga.

Marku 13:28

Ku mufiku-phe di longienu-ku kifika kiê: Luthangu lue ki lu di bhanga kia kindemvuna he lu buingita isasa, mua kʼijiia kuma mvula ia zukama.

Luka 16:22

Ngadiamʼ iii anga i fua, anga a mu ambata kuala ji-anjo bhu jihata ja Mbalahamu, ku mbanza, ku fesa. Mvuama ue ifua, anga a mu fûnda.

Luka 18:7

Abha, Nzambi u kamba kufundisa athuʼê ua a sola, a di kola-kola kua muène mu muanha ni mu usuku, anga ua zokelela mu milonga iâ? Manhi u kokoloka mu ku a banda?

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Nzuá 11:52

Kienhiki o muiji ió ue ki uene ngó ua fuila, maji uà fuila kubhongolola kumoxi anʼ a Nzambi oso a di muangena ku makanga.

Loma 8:33

Nanhi u ta mulonga ua kima kua athu a Nzambi òsole? Muène Nzambi ua a lungisa kuamba kala ni kikuma.

Matendelelu 30:4

Né-mbe hanji o jihutile jé a a balakala, a kala katé kua suku o diuluʼoko, Jihova Nzambi ié kuenhoko ua kà a bhongolola muene anga ua kà a katula-ku;

Kolose 3:12

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

II Tesalonika 2:1

Tua mi bhingi-phe, jiphange, mukonda dia kutukuluka kua Ngana ietu Jezú Kristu, ni kubhongoloka kuetu ni Muène, kuma:

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.