Marku 13:24 - O Mikanda Ikola

²⁴ Mu izuuʼomo-phe, kutunda ku divuuʼodio, dikumbi dia ka fulamana, o mbeji ia ka kamba kumuika.

Marku 13:24 ပူးပေါင်းရင်းမြစ်များ

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Jelemiia 4:28

O kiki kia-nda ku didisa oxi, o madiulu bhulu a-nda kuvunda; kuma kiene ki nga zuela, kiene ki nga kane, ki nga tolola dingi o thulu (kudiela), ki nga-nda ku ki lungulula dingi.

Izekiiele 32:7

Kioso eme ki nga-nda ku ku jimuna, o diulu nga kà di vungina, o jithéthembua jê nga kà ji vungina ni dituta, o mbeji ki ia kʼèhela mukengeji uê ku muika.

Daniiele 12:1

Mu thembu munhá Mingedi, kilolo kiadikota, ua kà balumuka, ni kuimanena ku bhângela anʼa kifuẋi kié, bhua kà kala-phe thembu ia phaxi, tunde kia bhanga o muiji ua athu, kiluua i kala-ku, katé kiki; maji mu thembu ienhoio, o kifuẋi kié kia kà bhuluka, uoso a mu sanga dijina mu Divulu.

Daniiele 7:10

Bhu pholo iê bhu kunguluka ngiji ia túbhia. Jimidi ja jimidi ja kuata ku mu xibhidila, jifuku ni jifuku jemana bhu pholo iê. Kufundisa kueza-bhu, madivulu a ma jikula.

Jouele 2:10

Mu ku a mona ixi ia kà teketa, maúlu a kà di tungutisa, a kà zamba; ni dikumbi ni mbeji a kà di teka hé a kà xiketela, jithéthembua kubenha kuâ a kà ku katula-ku.

Jouele 3:15

Ni dikumbi ni mbeji a kà xiketela, jithéthembua ja kà lémbua o kubenha.

Amoji 5:20

Kizuua kia Jihova manhi ki kia kà kala ngó kitombe, o mukengeji lémbue? O kuvunda kuê ki kuene kua kuila muene bui, o kuzela lémbue?

Marku 13:23

Enu-phe di langienu! Talesenu, Eme nga kalanga ku mi tangela ima ioso, kiosuʼiki kiluua i bhita.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

II Phetele 3:12

Mu kale mú tala, mu kale mu kinga o Kizuua kia Nzambi kiandù tukuluka kindala. O kizuuʼ okio kia kà bhinga o maúlu ma kà uama, hé ma buila ku tubhia, o iiudikilu iê ia kà sengumuka ku munza uatema.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.