Marku 13:19 - O Mikanda Ikola

¹⁹ Kuma izuuʼoio kua kala divuua dia dikota, kiluua ngo di kala-ku tunde ku dimatekenu dia Nzambi kukalakala ima ioso kate lelu; ne ku hadia ki di moneka luiadi!

Marku 13:19 ပူးပေါင်းရင်းမြစ်များ

Kuditenda 1:12

Enu kifua ki kia mi kate, enu muala ku bhita mu kikoka? Ilenu hanji suii mu mone, mba sai-ku dilâmba kala o diami, dia ngʼiza ku handuʼidi; o dilâmbva dia ngi bhondeleka na-diu Jihova, bhu kizuua kia uamene o njinda iê.

Kuditenda 2:13

Ngi ku tela umbangi uahi? Eie kilumba, monʼa Jeluzaleme, ngi ku fikisa ni nanhi? Ngi kuila ngixi o ki ualʼiki kia bhitile kiá kua nanhi, ni ngi ku bhetuila-ku o muẋima, eie kilumba kia muzeletete, tata, mona Ziione? Mukonda o divuua dié dia vudilà-ku mukuâ ni kiakulu o kizanga kia kalunga, mukuahi u ku bhandulula?

Kuditenda 4:6

Mukonda o kituxi kia monʼa kilumba kia mundu uami, kia beta kota o kia Sodoma ndenge, a mu vumbile mu uthôkua muʼanzanzʼumu, sé ngó kuila bhu kala lukuaku lua muthu lu ki bhanga.

Daniiele 12:1

Mu thembu munhá Mingedi, kilolo kiadikota, ua kà balumuka, ni kuimanena ku bhângela anʼa kifuẋi kié, bhua kà kala-phe thembu ia phaxi, tunde kia bhanga o muiji ua athu, kiluua i kala-ku, katé kiki; maji mu thembu ienhoio, o kifuẋi kié kia kà bhuluka, uoso a mu sanga dijina mu Divulu.

Daniiele 9:12

Muene iu ua kumbidila o kizuelu kiê kia tu kanena na-kiu etu, kumoxi ni afundixi etu, a tu tetuluila jinga o milonga, iu ua bheka o jingongo ja vula kiki ku thandu dietu, ja bhingi kuila o kiki kia bhiti mu Jeluzaleme nuka kiʼa bhitile kuoso-kuoso bhoxi dia diuluʼabha.

Daniiele 9:26

O kia kà bhua o makuinhi asamanu a jisemana ni semana jiiadi, Mexiia a kà mu katula-ku, kà mu mona dingi; o mundu ua kilamba kia kèza-ku, ua kà buikisa o diembu diosuʼodio ni Tembulu, o dizubhilu diâ dia kà a bhitula mukuâ ni menha a disenza; kuà kala-phe ita mu ita katé bhu dizubhilu, oko a xindi-bhu ibuika.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Matesu 24:21

Kuma thembu ioio o phaxi iê, kiluua ngó i kala-ku, tunde ku dimatekenu diaʼxi katé ni kiki; o ku hádia ue ki ia kà kala-ku dingi.

Marku 10:6

Tunde-phe ku dimatekenu dia kubhanga ima ioso, a ki zuela kuila: Nzambi ua a bhange ndumbe ni mukaji.

Marku 13:18

Sambenu kua Nzambi, phala ki ki bhite bhu thembu ia mbambi.

Marku 13:20

Ngana se ua kambele kufikisa izuuʼ oio, kana xitu ieji kubhuluka. Maji mukonda-phe dia athuʼê angene a Nzambi, a solo muene phala ku a bhulula, izuua ienhoio a i fikisa kia.

Matendelelu 28:59

kienhókio Jihova-phe ua-nda ku ku tudikila-ku kiá mabhebhu a makota a madiuanu, eie ni muiji ué uoso ua-nda ku ku kaiela, u mi bhana mauhaxi aiibha, né a a saka, ka xikina kuiluka. A kala mabhebhu aiibha kiavulu, a nangenena; mahaxi aiibha kiavulu, a nangenena.

Matendelelu 4:32

O kiki-phe se kia ku jinganena, ibhula hanji ku jithembu ja makulu ni makombe a ku diangela, tunde kiá Nzambi kia bhanga o muthu kʼulu dia mundu, tunde kua tundu o ngongo ʼté ku ia suku, kienhiki se a ki muene kiá, mba a kʼivile kiá ni mátui exi, kuabhitile kima kia kidiuanu kala kiki?

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.