Marku 13:14 - O Mikanda Ikola

¹⁴ Jezú anga u zuela dingi, uixi: Ki mu mona-phe o kisunji ki buikisa mundu kiemana bhuma ki kia tokala kukala-bhu, (uoso mutangi u tanga, a tongolole). Kienhókio, oso a kala mu Judeia, a ka lengele ku milundu.

Marku 13:14 ပူးပေါင်းရင်းမြစ်များ

Kuditenda 1:10

Jeluzaleme ima iê ioso ia matunda ia kexe na-iu, kisuéia ua sunununa o lukuaku luê mu ku mu tambula-iu; uamono muene o matumbu kia bokona mu kididi kiê kiangene; ene-phe o matumbu u uambele eie, kuila ka bokone bhu kionge kié.

Izekiiele 44:9

O Jihova Nzambi phe uambe kiki: Ki bhu kale muthu uengi uoso-uoso, ku jinzuàngiza jala muʼaxaxe ka anʼa Izalaiele uala ni dibôlo dia muẋima mba dibôlo dia xitu, nʼa bokone jinge mu dibhezelu diami.

Daniiele 11:31

Anga kuakèza makuenze ku mu banda, anga kididi kiangene kikôla, kia nguzu, a ki kasanesa; jisata ja izuua ioso a ka ji bhuisa-ku, anga a kà bhinganesa-bhu kisunji ki buidisa mundu.

Daniiele 12:11

Mu kutunda bhu kumbi dia kubhuisa-ku o sata ia izuua ioso nʼa ta-ku o kisunji ki buidisa o mundu, bhua kà bhita midi, ni hama jiiadi ni makuinhiʼvua a izuua.

Daniiele 8:13

Kia bhiti kiki, anga ngivua-ku muthu uangene uazele iu ua zuela; o muthu uangene uaiuka ua mukuá, uambela ió uakexe kuzuela, uixi: O kisuma kia jisata ja izuua ioso, kiia katé bhebhi, ni kia kutondala ku buikisa, phala kubhakula o kididi kiangene, ni mundu uê, na u titidila?

Daniiele 9:27

Muenephe ua kà ta kikutu ni athu a ndumba mu semana imoxi; semana-phe iiza ngó mu kaxi, jisata u ji bhuisa-ku ni mibhaku ia musa; o ua kà bhanga isunji ioso iii-phe, muene ue kua kà mu iza mubuikixi, anga a mu lalumuna kienhiki katé kiá bhu dizubhilu; o kioso kiòxinde anga à ki lundulula ue ku thanduʼa mubuikixi muene.

Matesu 13:51

Ima ioso iíi mua ivuenunu kiambote? Exi, Xi!

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

Dijingunuinu 1:3

Ua zediua uoso u tanga o divulu didi ni oso évua o maka iá a upolofeta, anga aiuka ima ioso ia soneka muenhomo! Kuma o thembu ia zukama phala ima ioso íii kubhita.

Dijingunuinu 13:18

Ima íii, i bhinga unjimu. Uoso o hete, a tange o númelu ia kiama, kuma o númelu iê iene ia dijina dia muthu. O númelu iê, hâma jisamanu ni makuinhi asamanu ni kisamanu.