12 Muthu ua ka bhakula phangʼiê, phala ku mu jibha; o tata u bhakula mona; o ana a ka kitukila adiʼâ nʼa jibhisa.
Mukonda nga kà muʼ ixanena o xibhata ku thandu dia milundu iami ioso, kiene kiambe Jihova Nzambi; o xibhata ia muthu ia kà lungulukila muene phangʼiê.
Muthu ua kà bhana phangʼ iê mu ku mu jibha, o tata ua kà bhana mona, o ana a kà kitukila tatʼ â ni mamʼâ, nʼa a jibhisa.
Kienhókio, avulu à keha kuxikana, hé a kà di bhala. A kà di bhanga ufe, a kà di zemba mudiâ.
O kia mi kuta he a kala ku mi bheka mu ku mi bhakula, ki mu kale ni hele kioso ki mua-nda kuzuela; kioso Nzambi kia ka mi bhana kithangana kienhókio, kiene ki mu zuela; kuma ki enu dingi mu zuela, maji o Nzumbi Ikola.
A ka mi zemba kuala athu oso, mukonda dia dijina diami. Maji uoso-phe u kolokota kate bhu dizubhilu, muene u bhuluka.
Katé ni adienu, ni jiphange, ni jindandu, ni makamba, ene muene a-nda ku mi bhakula phala ku mi kuika mu ʼaleia. Amoxi-moxi mudienu a-nda ku a jibha.