Marku 13:11 - O Mikanda Ikola

¹¹ O kia mi kuta he a kala ku mi bheka mu ku mi bhakula, ki mu kale ni hele kioso ki mua-nda kuzuela; kioso Nzambi kia ka mi bhana kithangana kienhókio, kiene ki mu zuela; kuma ki enu dingi mu zuela, maji o Nzumbi Ikola.

Marku 13:11 ပူးပေါင်းရင်းမြစ်များ

II Samuuele 23:2

Nzumbi ia Jihova ua zuelela moxi diami, maka mê ma ngi tula bhu dimi.

Izaía 50:4

Jihova Nzambi ua ngi bhana dimi dia uanji, phala uoso ua bhuila ngʼijiie ku mu tela tumaka tua mbote tu mu nhohesa bhu thembu ia tokala; muene mukua ku ngi phaphumuna imene ioso, uphaphumuna dítui diami ni dʼivue, kala ki kala a-di-longi.

Matesu 10:17

Athu-phe mu enda-nâ ni muanu. Mbata ene a kà mi thelekala bhu kionge, a kà mi beta mu malombe-mâ.

Marku 13:12

Muthu ua ka bhakula phangʼiê, phala ku mu jibha; o tata u bhakula mona; o ana a ka kitukila adiʼâ nʼa jibhisa.

Marku 13:9

Enu-phe di langienu! Kuma a ka mi kuta ni ku mi thelekala bhu kionge phala ku mi fundisa, a ka mi beta mu malombe. Mukonda diami a ka mi bheka bhu pholo ia jinguvulu ni enexi, enu he mua ka a tudila o Njimbu Iambote, mu ku a bhana umbangi.

Luka 21:12

Kioso-phe ima iíi kilua i bhita, enu a-nda ku mi kuata, a-nda ku mi zukutisa. A kà mi bheka mu malombe, phala ku mi fundisa ni ku mi takula mu jikaleia. A mi ambata bhu pholo ia enexi ni jinguvulu, mukonda dia dijina diami.

Nzuá 3:27

Nzuá ua vutula, uixi: Muthu ka tena kutambula kima, se a kambe ku mu bhana-kiu kuala Nzambi ku diulu.

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Jipoxolo 6:10

Maji o Nzumbi ia Nzambi-phe unjimu uahi ngó ua bhana kua Xitevá! Mu kuzuela ene oso ua a tolola, o kuejilʼuku, kana dingi muthu ua tena ku mu vutuila.

Jipoxolo 6:15

Athu oso a xikama bhu Kionge kia Jitata, kia mu idi sûi, a mona kuila o pholo iê ia biluka mukuâ ni pholo ia anju.

Jipoxolo 7:55

Maji muène-phe uezala ni Nzumbi Ikôla, u tonginina mu diulu anga u mona o kubenha kua Nzambi. Ua mono ue ni Jezú uemana ku madilu ma Nzambi.

I Kolindo 2:13

Iene kiá o ima i tuene mú tanga, kana ni maka ma longesa o unjimu ua muthu, maji ni maka ma tu longesa o Nzumbi ia Nzambi. Kienʼ iki ima ia kidi ia tokala o nzumbi tu i lombolola ni maka ma nzumbi, kua ió ala mu nzumbi.

Efezo 3:5

Mʼ ukulu ku miji iamukuâ o kikutu kiki kà edikisile-kiu luua; o kiki-phe Nzambi mu Nzumbi iê ua ki tukuluila o Jipoxolo jê jangene ni Jipolofeta.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.