36 Se o Davidi muene, kia mu funhisa o Nzumbi Ikola, ua soneka uixi: Ngana u ambela Ngana iami; Xikama ku madilu mami, kate ki ngi ku bhanga o jinguma ji kala bangu iê ia inama.
Eie-phe ua a vungina ni kilendu kié mu mivu iavulu, anga u kuata ku a bazela ni Nzumbi ié, mu ukunji ua jipolofeta jé; maji ene-phe nguaʼuâ ku ku bhana mátui; kia ku bhangesa ku a bhana bhu lukuaku lua ifuẋi ia akua jixi.
Enu akuetu mu jiphange, o maka mòsoneke mu Mikanda Ikôla ma tokalele kubhita, moso ma zuelele Nzumbi Ikôla mʼokulu ku dikanu dia Davidi, ma tokala kua Juda, mukonda muène ua tuamenene ió oso a kutile Jezú.
O kia kuata kuzuela imʼ iii, iá a lémbua ku dʼivisa mudiâ, ene oso a muangana. Maji kuila kiluua a zubha o kumuangana, Phaulu uzuela ngó kiki, uixi: Kidi kia Nzumbi Ikôla, kia tange polofeta Izaia ku jitata jetu,
Kuma Mikanda ioso ia bhusu Nzambi, mikanda ia kubhandulula, ni mu kulonga o kidi, ni mu kubazela itondalu, ni mu kuiukisa iabhengalala, ni mu kuijidisa uendelu uambote.
Mukonda dia kienʼ iki, Nzambi ua solo dingi kizuua, ki exana lelu. Muène ua zuela kiki, ku pholo kunu mua Davidi, ki kua bhiti kiá mivu iavulu, mu verso ia Mikanda Ikôla i tua tange: Lelu se mu ivua dizui diê, kana kukola muẋima.
Ene a bhindamenene kuijiia mba thembuʼ oio i bhixila kithangana kuẋi, ni kuiza kuê mba kubhita kiebhi. O Nzumbi ia Kristu ia kexile moxi diâ, ia edikisa jinga o thembuʼiii, ki ia tuamene ku a ejidisa o jiphaxi janda kubhita na-ju Kristu, ni jimbote joso janda kukaiela-ku.
Mbata nuka kukala muzambu ua polofeta uijiia ku vondadi ia muthu. Maji athu a zuela jinga mu kutula o Njimbu i tunda kua Nzambi kala kioso kia a tuma jinga kuzuela kuala o Nzumbi Ikôla.