Marku 12:29 - O Mikanda Ikola

²⁹ Jezú ua vutula, uixi: Kijila kia dianga kiki: Ivua, u Izalaiele! Ngana Nzambi ietu, muene Ngana imoxi ngo.

Marku 12:29 ပူးပေါင်းရင်းမြစ်များ

Jisálamu 86:10

Mukonda eie, Ngana, u kôla! U mukua kubhanga madiuanu! eie ngó ubheka ué u Nzambi!

Jisabhu 23:26

Monʼami ngi bhane o muẋima ué, o mesu mé mʼende ni kuuabhela jinga o jinjila jami.

Matesu 10:37

Uoso u zola tatʼâ mba mamʼâ, eme ni ngi mu kale ndenge, ió ka ngi tokala eme. Uoso u zola monʼ ê ua diiala mba ua muhatu, eme ni ngi mu kale ndenge, ka ngi tokala eme.

Matesu 23:9

Ki mu ile muthu mu ngongo, Tata, kuma sai Tata ienu imoxi, uene mu diulu.

Luka 10:27

Muéne u vutula, uixi: Zola Ngana Nzambi ié, ni muẋima ué uoso, ni muenhu ué uoso, ni nguzu ié ioso, ni kilunji kié kioso. O mukuenu u mu zola, kala ki ua di zola eiʼmuène.

Loma 3:30

Kuma o Nzambi imoxi ngó iene ialaku, o ió akua kifua kia kusaia, u a lungisila mu kuxikana; o a kambe kifua kia kusaia, kiene kimoxi, u a lungisila ue mu kuxikana.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

Ngalásia 3:20

O ki kala-phe a mu tanga muthu umoxi, ki ku bhingi dingi muzumbu; o Nzambi-phe umoxi ngó.

Matendelelu 10:12

Kiki-phe, eie u Izalaiele, ihi ia ku xindi Jihova Nzambi ié, oko ua ku edi ngó, uixi: Xila Jihova Nzambi ié, enda mu ikoka iê-muène, mu zole, enda jinga ni kusedivila Jihova Nzambi ié ni muxima ué uoso, ni muenhu ué uoso,

Matendelelu 30:6

Jihova Nzambi ié ua-nda ku ku saia o muxima ué moxi, ni muxima ua mbutu ié ia-nda ku ku kaiela, phala kuzola jinga Jihova Nzambi ié ni muxima uoso, ni muenhu ué uoso, nda u kole muenhu.

Matendelelu 6:4

Ivua, Izalaiele, tata! O Jihova, Ngana dia Nzambi ietu, muene Ngana imoxèlele ngó, ka moneka mukuá.

I Timote 1:5

Mutendelelu iú-phe, mahezuʼê o henda i tunda mu muẋima uazele, ni mu kitongoluelu kiambote, ni mu kuxikana kua kidi ki kua kudibhangesa.

I Timote 2:5

Mukonda sai-ku Nzambi imoxi ngó, ni Mubhangedi umoxi ngó u bhita bhu kaxi ka Nzambi ni athu—muène o muthu Jezú Kristu,

Tiiaku 2:19

Eie ua xikana kuila sai-ku ngó Nzambi imoxi? Kia uabha! Ni madimonho ue a ki xikana, a teketa ni uôma.

Juda 1:25

muène Nzambi imoxi ngó, Mubhuludi uetu a mu bhele fuma kua Jezú Kristu Ngana ietu, ni kujînga, ni kutumina, ni kusuina, tundé kuema dia kukala, ni kiki, katé ni ku hádia ni hádia.