Marku 12:26 - O Mikanda Ikola

²⁶ O kia madifundu-phe mba a fukunuka, enu kiluua mu tanga mu divulu dia Mozé? Sai bhuala o maka ma Kisasa, kia mu ambela Nzambi, uixi: Eme ngi Nzambi ia Mbalahamu, Nzambi ia Izake, Nzambi ia Jakobo.

Marku 12:26 ပူးပေါင်းရင်းမြစ်များ

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 31:42

Se o Nzambi ia tatʼetu, o Nzambi ia Mbalahamu, a mu mu kuatela uoma kuala Izake, ua kambele ku ngi bhângela, eie hinu ua ngi kaie maku a hatu. Nzambi ua tongolola o hadi iami i nga tale, ni kukalakala kua makuʼami, kiene kia ku bazelela mu usuku ua mazá.

Dimatekenu 32:9

Jakobo anga u amba, uixi: Eie u Nzambi ia tatʼetu Mbalahamu, u Nzambi ia Tatʼetu Izake, u Jihova ua ngʼambela uixi: Vutuka kʼoxi ienu, ni ku undandu uenu, eme ngi kala mu ku ku bhanga mbote;

Dimatekenu 33:20

Anga u tunga-bhu kalatódio, u kʼexana: Nzambi, Nzambi ia Izalaiele.

Makatukilu 3:16

Ndeie, ua kà bhongolole adikimi a Izalaiele, ua kà ambele, kuma: Jihova, Nzambi ia jitata jenu, Nzambi ia Mbalahamu, ni Izake, ni Jakobo ua ngi tukulukila, uixi: Kidi kiene nga mi suu, nga mono ioso iala ku mi bhanga mu Ijitu.

Marku 12:10

Enu kiluua mu tanga makʼama, mòsoneke mu Mikanda Ikola, kuila: O ditadi dia di tunu jimesene, diene dia kuatesa bhu thungi;

Marku 12:25

Mukonda kioso kia ka fukunuka o madifundu, ki kua kala dingi kusakana, mba kusakanesa. Athu a kala-phe mukua ni ji-anju mu diulu.

Luka 20:37

O kuila athu afu a kà fukunuka, ni Mozé ue ua kʼidikiza kiambote mu maka ma kisasa kia uama, bhu exanene Ngana, uixi: Nzambi ia Mbalahamu, Nzambi ia Izake, Nzambi ia Jakobo.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Loma 11:2

Nzambi ka ẋimbuka o mundu uê ua sola tunde mʼ ukulu. Manhi enu ki mu ejiia ki ambe o Mikanda Ikôla ku maka ma Elija? Muène ua di tende kua Nzambi, kia di kuata ni Izalaiele, uixi: