Marku 12:15 - O Mikanda Ikola

¹⁵ Muène-phe kuma uejiia o makutuʼa, uixi: Mu ngi bhombela-hi, phala ku ngi kuata mu kizuelu kiami eme-muène? Ngi tambuisienu denádia, ngi di mone.

Marku 12:15 ပူးပေါင်းရင်းမြစ်များ

Izekiiele 17:2

Monʼa diiala, ndoko tá kifika, u zuelele o dibhata dia Izalaiele mu kitùta.

Matesu 20:2

Amukuá, kia di xikana-nâ mu kizuua denádia, kizuua denádia, kala kiene o kífua kiâ, u a tuma ku mulenga uê.

Matesu 22:18

Jezú-phe, kuma uejiia unguma uâ, uixi: Mu ngi bhombela-hi, mu akua mangonha?

Marku 10:2

Anga kuiza Jifalizeu, ji mu ibhula phala ku mu londa, exi: Diiala se u senga muhatuʼê, kala kiala mu Kitumu kietu, u lunga?

Marku 12:14

O kia zubha kutula, exi: Mesene, etu tua kuijiia kuila u mukua kidi, ku lenge muthu uoso-uoso. Mukonda eie ku suu jipholo ja athu, u longa kidi o njila ia Nzambi. O kiki tu tangele hanji: Tua tokala kubhana lubhaku lua Sézalu, inga kana? Tu lu bhana, inga ki tu lu bhana?

Marku 12:16

Anga a mu tambuisa-diu. Ua ambela, uixi: O kídifua kiki, ni kidimbu kiê, kia nanhi? Exi: Kia Sézalu.

Luka 20:23

Jezú-phe ua mono o ndunge iâ, anga ua ambela, uixi: Ngi bhekedienu hanji denádia.

Nzuá 21:17

Anga u mu ambela lua katatu, uixi: Ximá, monʼ a Jona, eie ua ngi zola? Phetele anga u kenanana, mukonda tatu kiá ni ku mu ibhula: Eie ua ngi zola? Anga uitaia, uixi: Ngana, eie uejiia ima ioso, ua kʼijiia kuma eme nga ku zola! Kuala Jezú: Disa jimbudi jami.

Nzuá 8:6

Ene a zuela kiki mu ku mu londa, phala a mone kia ku mu ta mulonga. Jezú-phe u ngongama bhoxi, hé u kuata kusoneka ni mulembu mu mavu.

Jipoxolo 5:9

Phetele ua mu vutuila, uixi: Mukonda diahi eie ni muadi ué mua di longesa kubhumina o Nzumbi ia Ngana? Ivua bhu kanga o mixindu ia minzangala ió endele kufûnda munumiʼ é, eie ue anda ku ku ambata.

I Kolindo 10:9

Kana ue kubhumina kulola o kulenduka kua Ngana, kala kia mu bhumina ene amoxi-mu, anga a fua ku jinhoka.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.