Marku 12:14 - O Mikanda Ikola

¹⁴ O kia zubha kutula, exi: Mesene, etu tua kuijiia kuila u mukua kidi, ku lenge muthu uoso-uoso. Mukonda eie ku suu jipholo ja athu, u longa kidi o njila ia Nzambi. O kiki tu tangele hanji: Tua tokala kubhana lubhaku lua Sézalu, inga kana? Tu lu bhana, inga ki tu lu bhana?

Marku 12:14 ပူးပေါင်းရင်းမြစ်များ

II Malunda 18:13

Maji-phe Mika, uixi: Ki kôla! Jihova a laie! Kuma kioso ki ngi tangela Nzambi iami, kiene ki nga kà zuela.

II Malunda 19:7

O kiki-phe, uoma ua Jihova u kale ni enu; alukenu-kiu, mu ki bhange; kuma kua Jihova, Nzambi ietu, ki ku moneka kituxi, mba kusuua jipholo ja athu, mba kuẋikina maujitu.

Nehemiia 9:37

O ibundu ia mu bhakula o ixi iii, iangene ia jisobha, ji ua tuika o ku tu bhikisa, mukonda dia ituxi ietu; ene ia a kuata kubhikisa o mikutu ietu, kala kiasolo mu mixima iâ; etu tuala mu kubhondalala kua dikota.

Jisálamu 120:2

Eie u Jihova, ngi kudile muenhu uami ku mizumbu i tanga makutu, ni dimi di zuela ima ia ufe.

Jisálamu 55:21

Mu kanu diê mu nengana kiambote kala matheka, maji ku muẋima-phe kua mu kala mvunda; maka mê ma ẋanana kala maji, maji ua ku zuikila o dizu kala xibhata.

Jelemiia 42:20

Mukonda enu o mienhu ienu mua i tobhesa, kuma mua ngi tumikisa kua Jihova, Nzambi ienu, muexi: Tu sambele kua Jihova, Nzambi ietu; o iene ioso muene i ku tangela Jihova Nzambi ietu, iene muene eie i u tu tangela, etu ni tu i bhange.

Mikeia 3:8

Maji eme-phe, ni kidi kiene, ngi kala mu kuizala ni nguzu ia Nzumbi ia Ngana; ngezala ni kutetuluka mu kubatula milonga, ngezala ni kusuína kua kutangela Jakobo o kutondala kuê, ni Izalaiele o kituxi kiê.

Matesu 22:16

Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.

Matesu 22:17

Uila kiki, tu tangele: Eie ua fika kiebhi? O lubhaku lua Sézalu lua tokala ku lu bhana, inga kana?

Marku 12:13

Ene anga a katula athu ku jifalizeu ni ku akua Helode, phala ku mu kuata ku maka.

Marku 12:15

Muène-phe kuma uejiia o makutuʼa, uixi: Mu ngi bhombela-hi, phala ku ngi kuata mu kizuelu kiami eme-muène? Ngi tambuisienu denádia, ngi di mone.

Marku 14:45

O kia zubha kutula bhuala Jezú kithanganʼokio Juda u mu bhixila, uixi: Mesene! Anga u mu bhana jibeju.

Luka 20:22

O kiki, tu tangele: Kala ki ala mu Kitumu kietu, tua tokala tu bhana o lubhaku kua Sézalu dia mukua Loma, inga Kana?

Luka 23:2

O kuenhoko anga a kuata ku mu tatela, exi: Muthu iú tua mu kuata ni kufunhisa o kifuẋi kia mundu uetu. Uala ku fudisa athu kubhana lubhaku lua Sézalu, uixi: Eme-muène ngi Kristu, ngi muenexi.

Nzuá 7:18

Uoso u di zuela ue muène, ió ua mu sota ku di fumanesa muène. Maji uoso-phe u sota kufumanesa ió ua mu tumu, muenhó mukua kidi, ku muẋima ue ki kuala makutu.

Loma 13:6

Mukonda dia kiki ue, kiene ki muene kubhela ue o lubhaku. Kuma ene ala akunji a sedivisu ia Nzambi, se a kumbidila kiambote o ungunza uâ.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

II Kolindo 2:2

Mbata se enu nga mi kuatesa mukondo, eme-muène nanhi u ngi kuatesa ngalasa? Oko enuʼenu muene ngó nga mu mi kuatesa kiá mukondo!

II Kolindo 4:1

Mukonda ia kiki, etu ki tu kala ni usudi, kuma o Nzambi, mu henda iê, muène ua tu bhana o kikalakaluʼiki.

II Kolindo 5:11

Ki tualʼiki, tuejiia kioso ki kala o uôma ua Ngana, kienhiki athu tu sota ku a ejidisa o kidi. Maji o Nzambi ua tu ijiia muene kiambote, tamanu enu ue mu tu ijiia muene kiambote mu miẋima ienu.

II Kolindo 5:16

Uila kiki, ku pholo ku tuia, kana muthu tu mu fika dingi mu imbamba ia xitu. Né-mbe Kristu muène tua mu fika jinga mu xitu, kiki ki kiene dingi ki tu bhanga.

Ngalásia 1:10

Manhi ki ngalʼ iki, ngalù sota ngó kukala mu ujitu ua athu? Lémbua! Kuma o ki nga solo eme, o ujitu ua Nzambi! Mbé kifua ngalù sota ngó kuuabhela athu? Se nga kexile mù uabhela ngó athu, ki ngejù kala dingi ngi selevende ia Kristu.

Ngalásia 2:6

O ió-phe oso a fumana ku uadiakime, (hé a dianga, eme ki kia ngi kuatela kima kuma Nzambi kene ni katungu ka athu)—enʼió a fumana, ka ngi bandekezele kima kiengi kia ubhe.

Matendelelu 16:19

Kana kudiodia dimanda; kana kubhanga katungu ka athu; kana kutambula kitadi kia diminhinu, mba kima kioso-kioso kia ku ku bhomba, kuma o kitadi kia diminhinu ki bheka ufofo ku akua mesu; kiselula uanji ua oso ejidile kutetulula mu kidi.

I Tesalonika 2:4

Inda tua mu tanga o Maka kala kia mesena Ngana. O Nzambi-phe, kia tu mono ni ufiiele, ua tu lundisa o Njimbu Iambote, phala tu i tange kuoso, kala ki tuene kiá mù zuela; kana mu kuuabhela athu, maji mu kuuabhela Nzambi u tena kulola miẋima ietu.