Marku 11:25 - O Mikanda Ikola

²⁵ O ki mu kala mu kuimana ni kusamba, se kuala muthu mua mu kala ni phonzo, mu lolokiene, phala o Tatʼenu uala mu diulu a mi loloke ue ikuma ienu. [

Marku 11:25 ပူးပေါင်းရင်းမြစ်များ

Zakadiia 3:1

Anga Nzambi u ngi londekeza o nganga ia dikota, Josuué, ua kexile bhu pholo ia Anju ia Jihova, ni Satana uaia ku lukuaku luê lua dilu phala kuenda ni ku mu tatela.

Matesu 5:23

Kienhiki, se u kala mu bhana ujitu ué bhu kalatódio kua Nzambi, anga u tukumuka bhenhobho kuma mukuenu ua ku luualela,

Matesu 6:12

Tu loloke o makongo metu, uila etu ki tu loloka oso a tu dia makongo.

Matesu 6:5

O ki mu samba, kana kukala uila akua mangonha. Kuma ene a uabhela kuimana ni kusamba mu malombe, ni mu jiphambu mu nzunga, phala athu ku a mona. Ngi mi ambela kidi, ene a tambula kiá kisakidilu kiâ.

Luka 18:11

O falizeu anga uimana, u kala mú samba ni muẋima uê kiki: Nzambi nga ku sakidila, mukonda ki ngala kala athu amukuá, ala mií, inguángua, ati-a-jiphànda. Nga ku sakidila dingi, Ngana, kuma o mukua kutambula lubhaku iú ngó, eme ki nga sokela-nê.

Luka 18:13

O mukua kutambula lubhaku-phe, uemana dikanga, ka bhumina kuzambula mesu ku diulu, maji u di bunda bhu thulu, uixi: Nzambi, ngi kuatele henda, eme ngi mukua ituxi.

Luka 6:37

Ki mu fike akuenu, phala enu uenu ka mi fike; ki mu êlese akuenu, phala enu uenu ka mi êlese; lolokenu akuenu, enu uenu Nzambi a mi loloke.

Efezo 4:32

Inda kota o ku di kuatekesa mudienu, ni ku di xinganeka. Muenda ni ku di loloka, kala Nzambi kia mi loloka enu mukonda dia Kristu.

Kolose 3:13

Mu di lendukile ni kudikuatekesa mudienu, mu di loloka, se bhuala muthu ua di kuata ni mukuá. Kala muthu a loloke mukuá kala kioso Nzambi kia mi loloka enu, kiene ue ki mu bhanga jinga.

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

Dijingunuinu 11:4

Mbangi jiiadi ene o mixi iiadi ia midiva, ni tundeia tuiadi, tuemana bhu pholo ia Ngana uavu o ixi.