Marku 11:18 - O Mikanda Ikola

¹⁸ O makota ma jinganga ni jimesene ja kulonga o Kitumu a kʼívua, anga a kala mu ku mu kanena kioso kia mu jibha, mukonda a mu kuatela uoma, mbata o mundu uoso a mu diuana ulongelu ue.

Marku 11:18 ပူးပေါင်းရင်းမြစ်များ

I Jisobha 21:20

Anga Akabe uambela Elija, uixi: Kiebhi nguma iami, ua ngi bongo kiá? Kuala muene: Nga ku bongo muene! Mbata eie ua di sumbisa kiá mu kubhanga kiaiibha ku mesu ma Ngana.

I Jisobha 22:18

Bhenhobho sobha ia Izalaiele uambela Jozafate, uixi: Eme ki nga ku tangela-kiu kuma nuka a ngi zambuila mbote, kikala kuiibha ngó mu kuiibha?

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

Izaía 49:7

Jihova, Mubhuludi ua Izalaiele, Dilemba diê Ukôla, uambela muthu uoso a mu buangidika, a mu zemba kuala o mundu, o mubhika ua atumini, uixi: Muenhó a-nda ku mu balumukina bhu iandu kuala o jisobha, kia mu mona, ni ilamba uê, anga a kà diunda bhu pholo iê, mukonda dia henda ia Jihova, mukua kitongola, Dilemba Dikola dia Izalaiele, muthu ua ku tungula (ua ku sola).

Matesu 21:15

Jinganga ja makota-phe ni jimesene ja kulonga o Kitumu, kia mono o madiuanu mala mu bhanga Jezú, ni anandenge ala kudikola mu Tembulu, exi: Hozana Monʼa Davidi! Njinda ia a kuata.

Matesu 7:28

Bhenhobho ki bhita kuila, kia zubha Jezú kuta makʼ ama, ifuẋi ia diuana o ulongelu ué.

Marku 1:22

Athu anga a diuana ulongelu ue. Kuma ua a longo ni ungana, o ulongelu ua asoneki uengi.

Marku 11:32

O ki tuila: Ku athu, (o mundu a-nda ku tu lungulukila kuma ene oso a xikana kidi kuila o Nzuá polofeta, o batizu iê ki i tena kutunda ku athu).

Marku 12:12

Ene anga a sota ku mu kuata, maji a kala ni uoma ua mundu; kuma a mono o kifikʼiki ua a tela-kiu ene; anga a mu xa, a tunda-bhu.

Marku 3:6

Jifalizeu anga a tunda, kithanganʼ okio a mu tela kionge kumoxi ni akua Helode, mbe kumona kioso kia bhanga phala ku mu jibha.

Marku 6:20

Mukonda Helode muene ua kexile ni uoma ua Nzuá, mbata ua mu ijiia kuma muthu ua iuka, muthu ua ngene ukola, iu ua mu bhake bhua kondama. O ki a mu ivua jinga kuzuela, u tandanganha, ni kia kubhanga ka ki mono. Suke kiene, maji u kala ni vondadi ia ku mu ivua.

Luka 19:47

Izuua ioso Jezú anga u kala mú longa mu Tembulu. Makota ma jinganga-phe, ni asoneki, ni adiakimi ku mundu, a mu kanena ku mu jibha.

Luka 2:47

Oso bhenhobho, ala ku muívua, a mu diuana kiavulu o kuijiia kuê, ni ki ala mù kumbulula adiakime.

Luka 20:19

O jimesene ja kulonga o Kitumu ni makota ma jinganga, anga a sota ku mu ta maku kumbi dienhódio, maji ala ni uôma ua mundu, mukonda a mono kuma kifika kiki ua a tela-kiu ene.

Luka 4:22

Ene oso anga a kala mu ku mu tumbula kiambote, a diuana maka ma uabha ma-la kutunda ku dikanu diê, exi: Manhi ki muenhú monʼa Zuze?

Nzuá 7:1

Kia bhiti imʼiíi, Jezú u nhunga mu Ngalileia, kʼ andala kunhunga mu Judeia, mukonda dia Jijudé momo, kubhindamena o ku mu jibha.

Nzuá 7:19

Abha ki Mozé ua mi bhana o Kitumu? Kana muthu-phe mudienu ua mu tumaka o Kitumu. Enu-phe, mua-lu sotela-hi ku ngi jibha?

Nzuá 7:46

Masoladi exi: Kiluua kukala muthu u zuela kala ió.

Jipoxolo 24:25

Maji kioso Phaulu kia kala mu kulombolola kioso ki kala o kuiuka, ki kala o kutolola jihanji, ki kala o kufundisa kua hádia, Fele ua teketa, iú ua kumbulula, uixi: Kindala ndeie hanji. Hinu ki ngi kala ni thembu, ngi ku ixana dingi.