Marku 11:13 - O Mikanda Ikola

¹³ O kia mono mufiku mu kanga, uala ni ifuakasa, u bhixila, sumba u bonga-ku tufiku. Kia u bhiẋila-phe, u sanga ifuakasa ngo iala-ku, kuma ki iene o thembu ia jifiku.

Marku 11:13 ပူးပေါင်းရင်းမြစ်များ

Izaía 5:2

Ua di kondoluesa kikanzo, matadi ua ma sengulula-mu, iú ua phaphe-mu mivide ia mbutu iambote; o muʼaxaxi ka díbhia dia muvide ua tungu-mu inzu ia matala, iú ua iudika-mu ue ditangi dia kuketela vinhu; iú uene kudielela kuila muvide uima ji-uva jauabha, maji uene ua bhana ikola-kola.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Matesu 21:19

Kia mono mufiku bhu mbanduʼa njila, u bhiẋila-bhu. U sanga-phe kana-ku kima, máfue ngó mala-ku. Muène anga u uambela, uixi: Ko kué ki kuà kale dingi kibundu! Muẋi anga u lela kindala.

Marku 11:12

Kukia ni kimene, mu kutunda ku Betanha, nzala i mu kuata.

Marku 11:14

Muene anga uambela o muxi, uixi: Ki bhuà kale dingi muthu udia kubundu ko kue. Jixibulu anga a kʼívua.

Luka 10:31

Sai ue nganga u kulumukina o njila ienhoio, o kia mu sange iú, u somboké ku mbandu.

Lute 2:3

Muene anga uia, u kuata kunona mu díbhia, ni kukaiela ku dima dia jingunza jala kumuna. Kuzediua kuê-phe o kutukulukila mu díbhia dia Bouaji, ua tokala ku muiji ua Elimeleke.

I Samuuele 6:9

Anga mu tala kiá; se i bandela njila ia mbámbe iê muene katé bhu Bete-seme, tu kʼijiia kuma muene ua tu bhange kiaiibha kiosoʼiki; o ki i kamba kuila njila ioio, tu kʼijiia ue kuma lukuaku lua muene ki luene lua tu kuama, maji kima kiezé ngó kibhûku.