Marku 10:52 - O Mikanda Ikola

⁵² Jezú anga u mu ambela, uixi: Nda-ié! O kuxikana kue kua ku bhana kuiluka. Kithanganʼokio Bartimeu anga u iluka o mesu, he mona dingi, anga u kaiela Jezú mu njila.

Marku 10:52 ပူးပေါင်းရင်းမြစ်များ

Jisálamu 146:8

Jihova u jikula o mesu a ifofo; Jihova u bhetula ió a zeka bhoxi; Jihova u zola ió aiuka.

Jisálamu 33:9

Kuma muene uazuela ngó, ioso ia di bhange; Kia tumina dingi, ima ioso ia tukuluka.

Izaía 35:5

Bhenhobho-phe o mesu a ifofo a kà jikuka, ni mátui a maxilu a kà xitunuka.

Matesu 11:5

O ifofo ií tona mesu, inema ií ienda, jihaxi ja dibhute jí jiluka, mixilu ií ívua, madifundu iá a fukunuka, o jingadiama a ji tangela o maka ma Njimbu Iambote.

Matesu 12:22

Kienhiki a mu bhekela muthu uala ni dimonho, uala kifofo, uala dibubu, Muène anga u mu saka, o ua kexile kifofo, dibubu, u kala mu zuela, u kala mu mona.

Matesu 15:28

Jezú bhenhobho u mu vutuila, uixi: Muhatu ua kime, o kuxikana kué kua-vulu! Ki di bhange, kioso ki ua mesena. Monʼê anga u iluka, tunde mu kumbi dienhódio.

Matesu 21:14

O ifuôfo ni inema anga i mu sanga mu Tembulu, muène anga ua a saka.

Matesu 8:3

Muène anga u sunununa lúkuaku luê, u mu babata, uixi: Nga mesena muene; disanze. Muène anga u disanza muʼ anzanza muenhomo.

Matesu 9:22

Jezú-phe u sakuka, hé u mu mona, uixi: Mona, tululuka! Kuxikana kué kua kubhana muenhu. Muhatu anga uiluka tunde kumbi dienhódio.

Marku 1:31

Muene anga uiza, u mu kuata lukuaku, u mu bhetula; o febele anga i mu xa, he u kala mu ku a sedivila.

Marku 5:34

Muene iu ua mu ambela, uixi: Mona, o kuxikana kue, kua ku bhulula. Ndeie ni kutululuka, u di sanze ku uhaxi ue.

Marku 8:25

Jezú anga u mu tula dingi o maku luamukuá ku thanduʼa mesu. O kifuôfo kia tonginina dingi, ueluka! Ima ioso ua mu i mona kia kiambote.

Luka 7:50

Jezú-phe uambela o muhatu, uixi: O kuxikana kué kua ku bhandulula. Ndaié ni kutululukka.

Luka 9:48

Anga ua ambela ene, uixi: Uoso u tambulula kamonʼaka mu dijina diami, eme-muène a ngi tambulula. Uoso ue u ngi tambulula eme, ua tambulula uoso ua ngi tumu. Mukonda uoso mudienu ua beta o kutola, muenhó muène o dikota.

Nzuá 9:32

Tunde ku dimatekenu dia mundu, kiluua tu kʼivua kuila sai-ku ua jikula mesu ma muthu a mu vuala kifofo.

Nzuá 9:39

Jezú anga u zuela, uixi: Eme ngeza mu ngongʼ umu mù fundisa; phala oso ala ifôfo, ka mono, a mone; o oso a mu mona, a biluke ifôfo.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.