Marku 10:38 - O Mikanda Ikola

³⁸ Kuala Jezú: Enu ki mua kʼijiia ngo kioso ki mua bhingi. Kífua mu tena kunua dikáu di ngi nua eme? Ni kutambula o batizu ia ngi batizala na-iu Eme?

Marku 10:38 ပူးပေါင်းရင်းမြစ်များ

I Jisobha 2:22

Sobha Solomá anga u kumbulula mamʼâ uixi: Adoniia u mu bhingila kiebhi Abisaki, mukua Suneme? Ku mu bhingila-hi ue kiá ni ungana uene, kuma muene kota diami? Ngambe, mu bhingile kiá muene, ni nganga Abiiatele, ni Jouabe monʼa Zeluia.

Jisálamu 75:8

Mbata o lukuaku lua Jihova, lua kuata nganza ia vinhu i thuthuma kifulu; o uhôlua uê ua di lungu muene; u lundulula-ku, hé u nuisa o isuéia ioso mu ngongo, a i nua muene ni mavunze mê.

Izaía 51:22

Ngana ié, Jihova dia Nzambi ié, muthu ua-nda kufundila o povo iê, uambe kiki; Eme o dikáu dia kubhendujukʼodio ngi ku tambula-diu kiá, bhu lukuaku lué di tunda-bhu, ni iẋiẋi ia dikáu dia kutema kuami; eie ki mungu dingi u nua-ku.

Jelemiia 25:15

Kuma Jihova, o Nzambi ia Izalaiele, ua ngi tangela kiki: Tambula nganza iii, ia vinhu ia njinda iami nda miji ioso, kuoso ku ngi ku tumukisa, u a bhane kunua-ku.

Jelemiia 45:5

Eie anga uia ni kusota maunéne? Kana ku a sota; Mukonda nga-nda kubheka kuiibha ku thandu dia xitu ioso, eme ngi Jihova, eie-phe o muenhu ué uene u nga-nda ku ku bhana kuma iene o mbole ié kuoso-kuoso ku u di texila.

Matesu 26:39

Anga u sondoloka-bhu kòfele, u fukama, u ta pholo bhoxi, hé u samba, uixi: Tata iami, se ki xikina, dikáu dienhidi dia phaxi iíi, ngi katule-diu. Maji-phe ki ngi sola eme, kana, inda ki u sola eie.

Matesu 3:6

Muène anga u kala mu ku a batizala mu honga ia Njolodá, ni kufisala o ituxi iâ.

Marku 14:36

Anga u kala mu samba, uixi: Abha Tata! Eie ima ioso ua i tena. Dikáu didi dia phaxi, ngi katule-diu. Maji-phe ki ngʼinda eme kana, inda ki uinda eie.

Luka 12:50

Sai-phe batizu ia bhingi ku ngi batizala na-iu; muẋima ua ngi suku, katé ki ngi ki kumbidila.

Luka 22:42

Tata, eie se ua ki andala, dikáu dia phaxi dienhidi, ngi katule-diu. Maji-phe ki ngindi kuamba o vondadi iami iene i bhita, ki kale ngó o vondadi ié. [

Nzuá 18:11

Jezú anga uambela Phetele, uixi: Fomeka o xibhata ié mu kizu! Eie ua fika kuila dikáu dia ngi bhana Tata, manhi ngi kamba ku di nua?

Loma 8:26

Kiene kimoxi ue, o Nzumbi ia Nzambi uiza ku tu kuatekesa mu kubhuila kuetu. Kuma etu ki tuijiia kusamba kioso kia tokala. Maji o Nzumbi muene u tu diondela kua Nzambi ni kukumba ki ku xikina ku ku lombolola ni izuelu.

Tiiaku 4:3

O kioso ki mu bhinga mu kamba kutambula, mukonda mua bhingi kiaiibha. Kuma enu mu bhinga ima, phala mu i bhuise ngó mu jihânji jenu.