Marku 10:24 - O Mikanda Ikola

²⁴ Jixibulu anga a diuana o maka mê. Jezú-phe ua kumuna dingi, uixi: Ana, kubhonza kuahi, oso a di fiiala jimbongo, o kubokona mu Utuminu ua Nzambi!

Marku 10:24 ပူးပေါင်းရင်းမြစ်များ

Jisálamu 17:14

Lukuaku lué lu ngi kudile, u Jihova, ku athu ió ejiia ngó ima ia mu ngongo mumu; kabasa ekuta mu mala ni makudia ma tundu ko kué, a kala ni umonhi ua kuxila anʼâ.

Jisálamu 52:7

Diene-ze o diiala dia ditunu Nzambiʼidi, mù kala kimbaka kiê; iu ua di fiiala o jimbongo jê kuvula, hé u di fikidila mu usuéia uê.

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Jisabhu 11:28

Muthu uoso u di fiiala jimbongo jê, ua-nda kusenguluka hé u di bhala; athu aiuka-phe abuingita kala kimuẋi kiala ni jithangu ja uisu.

Jisabhu 18:11

Mukua itadi, jombongo jê u ji kita mbonge ia ku mu fikidila; phala muene, kifua kimbaka kia lebha kitala.

Jisabhu 23:5

Kifua mesu mé ma jijila kutalesa ima ia kingoho? jimbongo-ze jene ni mabhabha, jituka kala holokoko anga ji di leka bhulu.

Jelemiia 9:23

Jihova uambe kiki: njimu ka di thathe mu unjimu uê, mba dizonda u di thatha mu uzonda uê; mvuama ka di thathe mu unvuama uê.

Habakuke 2:9

Lamba dia muthu uoso u izalesa mʼonzo iê ni jimbote ja tundu mu nganhu ia kubhanga kiaiibha, phala nʼa tena kuta o kikalanga kiê bhua di leka kinéne, phala ngó nʼa tena ku di sukununa bhu lukuaku lua kubhindama ki mu tundila o hadi iene ku mundu!

Sofoniia 1:18

O phalata iâ ni ulu uâ ki itena ku a kudila mu kizuua kia njinda ia Jihova; maji ku túbhia tua njinda iê ixi ioso iii ia kà jikata; mukonda, ni kidi kiene, Muene athu oso a tunga mu ngongo ua-nda ku a buikisa muʼanzanzʼumu né ngó muthu ka kà subhuka-ku.

Matesu 19:25

Jixibulu kia zubha kuívua kiki, a diuana kiavulu, exi: Nanhi-phe u tena kubhuluka?

Marku 1:27

Ene oso anga a diuana, a kuata ku dibhudisa mudia, exi: Kueza-hi? Ulongelu uengi, kuambe! Muene u tumina ni ungana, kate ni jinzumbi jaxidi ji mu tumaka.

Marku 10:23

Jezú-phe, sui dingi ku jixibulu je ja mu kondoloka, uixi: Kubhonza kuahi, akua itadi o kubokona mu Utuminu na Nzambi!

Luka 16:14

Jifalizeu kuma ja zola kiavulu o kitadi, a muivu kuta makʼama, anga a kala ku mu olela.

Nzuá 13:33

Enu tuana tuami, ki nga-ndu kala dingi ni enu kithangana kiavulu. Enu mua-ndu ngi sota, maji kindala ngi mi tangela, kala-phe ki nga tangela kiá Jijudé, ngixi: Enu ki mu tena kuiza kuoso ku ngiia, kiene ue ku nga mi tangela enu.

Nzuá 21:5

Jezú anga ua ambela, uixi: Enu ana, mu kutamba kuenu, mua kuata kama koso-koso? Exi: Kana!

Nzuá 6:60

Bhenhobho jixibulu jê jamukuá javulu, ki ja zubha ku mu ívua kiki, exi: Makʼ ama mala kulonga, ma bhonzo! Imʼ iíi nanhi u tena ku i xikina?

Ngalásia 4:19

Mu tuana tuami, tata! Mukuâ ni mama ia suku-bhu, nga mi katela dingi mika ia kuvuala. Ngi kuata muene kutala hadi, katé Kristu kia di bhanga moxi dienu.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

I Nzuá 2:1

Tuana tuami, tata, nga mi sonekena imʼiii phala ki mu te ituxi. Se bhu kala muthu-phe u ta kituxi, sai Mubhângedi uetu kua Tata, Jezú Kristu, Muthu ua kuiuka.

I Nzuá 4:4

Enu, tuana tuami, mua tokala Nzambi, o jipolofeta ja makutu mua ji tolola kiá, mukonda o Nzumbi uala moxi dienu, uala kota mu kutena, ka tena kusoka ni nzumbi iala mua ió a tokala ku mundu.

I Nzuá 5:21

Enu tuana tuami, o nzambi ja makutu lengenu-ju!

Dijingunuinu 3:17

Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!