Marku 10:22 - O Mikanda Ikola

²² O munzangala anga u sonoka pholo ki evu o hundu iíi, anga u tunda-bhu ni mukondo, kuma mukua jimbongo javulu.

Marku 10:22 ပူးပေါင်းရင်းမြစ်များ

Izekiiele 33:31

Ene anga eza kokué, kala o mundu ki uejidila kiá o kuiza, hé a xikama bhu pholo ié-eie, kala mundu uami, anga evua muene o maka oso u uà tela, maji ka xikina kuia ni ku a bhanga; mukonda a bhomba ni dikanu diâ, maji o muẋima uâ uala ku kaiela o unjenje uâ.

Matesu 13:22

A mu kuua mu minha, muenhú uívua maka, maji o luímbi lua mu ngongo-phe ni kusênduka kua jimbongo, kubhaka o maka mu a vundu, anga u tokoka kuima ibundu.

Matesu 19:22

Munzangala-phe ki evu makʼama, uai ni mukondo, kuma mukua jimbongo javulu.

Matesu 27:3

Juda-phe, ua mu thelekalele, kia mono kuma Jezú a mu êlesa phala ku mu jibha, u diela ioso ia bhange, anga u bheka dingi makuinhi atatu a itadi ia phalata ku jinganga ja makota ni adiakime a Jijudé, uixi:

Marku 10:21

Jezú ua muʼixi sui, ua mu zolo. Anga u mu ambela, uixi: Eie kima kimoxi ngo kia ku kambe-ku: Ndé, ka sumbise ioso i uavu, o kitadi u ki uanene jingadiama, mbe u kale ni jimbongo ku diulu; nda uize kiua, u ngi kaiele.

Marku 10:23

Jezú-phe, sui dingi ku jixibulu je ja mu kondoloka, uixi: Kubhonza kuahi, akua itadi o kubokona mu Utuminu na Nzambi!

Marku 6:20

Mukonda Helode muene ua kexile ni uoma ua Nzuá, mbata ua mu ijiia kuma muthu ua iuka, muthu ua ngene ukola, iu ua mu bhake bhua kondama. O ki a mu ivua jinga kuzuela, u tandanganha, ni kia kubhanga ka ki mono. Suke kiene, maji u kala ni vondadi ia ku mu ivua.

Marku 6:26

Sobha anga Ukenana kiavulu, lamba dia mu kuata. Maji mukonda-phe dia kuloka kue, ni dia ia a xikama-nê ku meza, nguaiê ku mu di tuna.

Luka 12:15

Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.

Luka 18:23

Muène-phe kievu kiki, malamba a mu kuata; mukonda mukua itadi iavulu.

II Kolindo 7:10

Kuma o mukondo se a u uzala kuala Nzambi, u bhekela kudiela kubhangesa kubhuluka. O ku kima kala kiki, ki kuene dingi kuila tamanu ki nga ki bhangele. Maji o mukondo-phe ua mundu, u bhekela kufua.

Efezo 5:5

Ijiienu-kiu mu kidi, kuma muthu uala ndumbu, kifusa, mukua luimbi, kuma luimbi lua tokala ni ubhezelu ua iteka, kala ni undundu ua kima mu Utuminu ua Kristu ni Nzambi.

II Timote 4:10

Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.