Marku 10:21 - O Mikanda Ikola

²¹ Jezú ua muʼixi sui, ua mu zolo. Anga u mu ambela, uixi: Eie kima kimoxi ngo kia ku kambe-ku: Ndé, ka sumbise ioso i uavu, o kitadi u ki uanene jingadiama, mbe u kale ni jimbongo ku diulu; nda uize kiua, u ngi kaiele.

Marku 10:21 ပူးပေါင်းရင်းမြစ်များ

Dimatekenu 34:19

Munzangala iú ua diiala ka kokoloka dingi mu kubhanga kioso kia mu xindi, mukonda dia kuuabhela kiavulu o monʼ a Jakobo ua muhatu; o muene ue, mu bhata dia tatʼâ, muene dikota uala ku pholo.

Jisabhu 23:23

Sumba o kidi, kana ku ki sumbisa; inda uila ni unjimu, ni ku di kondeka eʼmuene kiambote, hé u ta-ku ni masunga.

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Matesu 19:21

Jezú ua mu ambela, uixi: Eie se ua mesena kutenena, ndé, kà sumbise ioso i uala na-iu, o jimbongo jê u ji uanene jingadiama, phala u kale ni jimbongo mu Diulu, nda uize kiua u ngi kaiele eme.

Marku 10:22

O munzangala anga u sonoka pholo ki evu o hundu iíi, anga u tunda-bhu ni mukondo, kuma mukua jimbongo javulu.

Marku 8:34

Bhenhobho Jezú anga u ixana o mundu, u a ambela kumoxi ni jixibulu je, uixi: Se muthu uambe kuiza ku dima diami, kikale u jimba ku di xinganeka muene, a zangule dikulusu die, nʼa ngi kaiele.

Luka 10:42

Maji kia kate-phe ngó kima kimoxi: Madiia ua solo o mbandu iambote, kà tena ku mu tambula-iu.

Luka 12:33

Sumbisenu ioso i muala na-iu, o kitadi ki tunda-mu, mu ki bhane jingadiama. Iudikenu jisaku ji kamba ku kuka, ni jimbongo ku maúlu, ji kamba kúbhua. Mukonda o koko kuene ku kididi kia bhingi ki ku bhiti muíi, ki kuene ue kabamba ka kesa.

Luka 16:9

Eme uami ngi mi ambela: Kuatenu makamba a tunda mu itadi ia mangonha ma mundu iú, phala ki i mi kamba, ene a mi tambulule mu mabhata mâ ma nanga.

Luka 18:22

Kia kʼivu, Jezú u mu ambela, uixi: Kua ku kambe hanji kima kimoxi: Sumbisa ioso i uala na-iu, o kitadi u ki uanene o jingadiama, phala u kale ni jimbongo mu diulu. Nda uize kiua, u ngi kaiele eme.

Luka 19:41

Mu kuia mu kubhiẋila, u mona o mbanza, anga u i dila, uixi:

Luka 9:23

Anga ua ambela ene oso, uixi: Se sai muthu uandala kuiza ku dima diami, ehe kudibanza muène, a zangule dikulusu diê izuua ioso, ni a ngi kaiele.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 2:45

O jixi jâ, ni jimbongo, a ji sumbisa, anga a di uanena oso mudiâ, kala muthu kioso kia soko o kubhindama kuê.

II Kolindo 12:15

Eme ngi ki sangulukila kiavulu o ku mi texila ioso i ngala na-iu, katé ni eme-muène ku di bhana mu kusota o mienhu ienu. Kifua se o henda iami iia ni kuvula, enu o ienu iia ni kusosoloka?

II Timote 3:12

Kiene muene! Ene oso kiá a sola kuenda mu ukidistá kala ki andala Nzambi mua Kristu Jezú, andù tala hadi ni ku a zukutisa!

Jihebeleu 10:34

Enu mua tale o hadi kumoxi ni ene oso a kexile ku malubhambu mu jikaleia. O kia mi bhundu o imbamba ioso i mua kexile na-iu, mua xididika ni ngalasa mu ima ioso íii, mukonda mu ejiia kuma mu avu jimbongo ja beta ujitu, ja kà xalela-ku, ku diulu.

Tiiaku 2:10

Kuma uoso u aiuka o Kitumu kioso, hé u di bhukana-ku ngó diba dimoxi, Kitumu kioso ua ki tondala.

Dijingunuinu 2:14

Sai-phe tuma tuofele tu nga ku êlesa; mukonda sai-ku amoxi-mu bhenhobho a kuata o ulongelu ua Balamu ua longesele Balaki kuta kidibhukanu bhu pholo ia anʼa Izalaiele, mu ku a longesa kuila a fuama kúdia jisata ja makudia ma satela itèka, ni kubhanga maundumbu.

Dijingunuinu 2:20

Nga ku êlesa-phe kima kimoxi. Kuma ua xididikila o muhatu ió Jezabele, ua mu dʼixana kuila polofeta ia Nzambi. Eie ua mu ehela kubhomba ni kulonga selevende jami kubhanga undumbu, ni kudia jisata ja makudia ma satela o itèka.

Dijingunuinu 2:4

Maji-phe nga ku êlesa kima kimoxi: Kuila o henda ié i uandekele na-iu ua i xi. Ku ngi zolo dingi kala ku dimatekenu.