Marku 10:19 - O Mikanda Ikola

¹⁹ O ijila ua ijiia? Kana kujibha, Kana ku ta phànda; Kana kunhana, Kana kubhana umbangi ua makutu. Kana kufumba, Tatʼenu ni mamʼenu a bhane ujitu.

Marku 10:19 ပူးပေါင်းရင်းမြစ်များ

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Marku 10:18

Jezú ua mu ambela, uixi: Eie u ngʼila kiebhi iambote? Sai ngo umoxi uala mbote, muene Nzambi.

Luka 18:20

Eie uejiia o ijila? Kana kuta phànda; Kana kujibha muthu; kana kunhana; kana kubhana umbangi ua makutu; bhana tatʼ enu ni mamʼ enu ujitu.

Loma 13:9

Kuma o ijila ki iedi: Kana kuta phanda, Kana kujibha, Kana kunhana, Kana kukala ni luimbi, mba ioso dingi ijila ia dite-ku, ia di bundu mu kizuelu kimoxʼ iki: Mukuenu u mu zola kala ki ua di zola eie-muène.

Loma 3:20

Mukonda mu ikalakalu i xinda o Kitumu, kana muthu u tena kulungila-mu ku mesu ma Nzambi. Kuma mu Kitumu, muene muthu muejidila kuila mukua ituxi.

Ngalásia 4:21

Ngi tangedienu hanji kima kimoxi, enu mua mesena mu kala dingi mu ubhika ua Kitumu, o Kitumu muala ku kʼ ivua kiebhi?

Ngalásia 5:14

Kuma o Kitumu kiene kioso kia tenena mu kizuelu kimoxʼ iki, exi: Mukuenu u mu zola kala ki ua di zola eie-muene.

I Tesalonika 4:6

Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.

Tiiaku 2:11

Mukonda o ió uambe, uixi: Kana kuta phànda, uambe ue uixi: Kana kujibha mukuenu. O kiki ki u kamba kuta phànda, maji u jibha muthu, uala u mukua kituxi, ua tondala o Kitumu.