Marku 10:14 - O Mikanda Ikola

¹⁴ Jezú-phe kia ki mono, kia mu iibhila kiavulu, uixi: Ehelenu o tuana ku ngi bhixila! Kana ku tu kaia, kuma o Utuminu ua Nzambi ua tokala oso a soko ni tuana enhá.

Marku 10:14 ပူးပေါင်းရင်းမြစ်များ

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Jisálamu 78:4

Etu uetu ki tu i dingila anʼâ, tu tangela muiji uengi ueza-ku o fuma ia Jihova, ni uzonda uê ni madiuanu mê ma kalakala.

Izaía 65:23

Ene ue ka kà kalakala mu kingoho, ka kà vualela kibuika, kuma ene o mbutu ia athu a a zediuisa kua Jihova, ni luvualu luâ kumoxi ni ene.

Dialuilu 14:31

Inda tuana tuenu-phe, tu mua tangele, muixi: A di bhange mbole, ene nga kà a bokuesa-mu, a kêjiia ixi i mua tènde, enu mua di tunu-iu.

Matesu 18:10

Alukenu, ki mu tènde kamona ku tuana tutu. Mbata ngi mi ambela kuma, o ji-anju jâ mu diulu jene mù mona o pholo ia Tata iami uene mu diulu. [

Matesu 18:4

Uoso-phe u di tolesa kala o kamonʼ aka, muène kota mu Utuminu ua Diulu.

Matesu 19:14

Jezú-phe, uixi: Ehelenu tuana, kana ku tu fudisa ku ngi bhiẋila; Mukonda o Utuminu ua Diulu ua ngene ua oso akuâ ni iá.

Matesu 5:10

A zediua oso a a talesa hadi mukonda dia kubhanga ima ia kuiuka, o Utuminu ua Diulu uâ ene.

Matesu 5:3

A zediua jingadiama ja muẋima, mukonda o Utuminu ua Diulu uâ ene.

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Marku 8:33

Muene-phe kia sakuka, u tala ku jixibulu, he u bazela Phatele, uixi: Ndé kunha, Satana! Mukonda eie kua suu ima ia Nzambi, ua suu ngo ima ia athu.

Nzuá 3:3

Jezú ua mu tambuijila, uixi: Kidi, kidi, ngi ku ambela: Muthu se ua kambe ku mu vuala lua mukuá, ka tena kumona mu Mbanza ia Nzambi.

Nzuá 3:5

Jezú uixi: Kidi, kidi, ngi ku ambela: Se muthu ua kambe ku mu vuala ku menha ni ku Nzumbi, ka tena kubokona mu Mbanza ia Nzambi.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Jipoxolo 3:25

O jipolomesa joso ja bhele Nzambi mu kanu dia jipolofeta jê ia mi tokala enu. O mu kikutu kia ta Nzambi ni jitata jenu mu xahulu, enu muene mu muala, kioso ki ambelele Mbalahamu, uixi: Ku mbutu ié, kuene kua kà zediuila o miji ioso mu ngongo.

Loma 11:16

Mbata se o dikende dia dianga ku mbolo a di bhakuila Nzambi, ni mbolo ioso iê-muène ue. Se o jindanji ja muxi a ji lumbila Nzambi, ni jithangu ue jê-muène.

Loma 11:28

Jijudé a di tunu o Njimbu Iambote, iá a di bhange jinguma ja Nzambi mukonda dienu-enu. Maji o ku mbandu ia ku a tungula kuala Nzambi, a di bhange makamba mê mukonda dia jitata.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

I Kolindo 7:14

Kuma o diiala dia kambe kukala kidistá, a mu xikina kuala Nzambi mukonda dia kukala ni muhatu ua xikana; o muhatu ua kambe kukala kidistá, a mu xikina kuala Nzambi mukonda dia kukala mu umoxi ni muadi uê ua xikana. Hé ki kiene, anʼ enu ejù kala anʼ a matumbu a kambe kuijiia Nzambi. Maji o kiki-phe, ala anʼ a ngene a Nzambi.

Efezo 4:26

Se u kala ni njinda, kuehela kuila i ku bhangesa kuta kituxi; kumbi ki di ku bhuile mu njinda.

Matendelelu 4:37

Mukonda muene ua zola adié, iu ua sola o mbutu iâ, iú ua i tungula kioso ene kia zubha kúfua, muene ua ku katula eie mʼoxi ia Ijito ni undanda ua nguzu iê.

II Timote 1:5

Kuma nga lembalala o kuxikana kuala moxi dié, kua kidi, ki kua ku di bhangesa; kuene kiá kua tungile mua kukuʼenu Loue, ni mamʼenu Unise. O kiki nga mono ue kuma kuene kumoxi ni kua tungu momué.

II Timote 3:15

Mukonda eiemuène tundé undenge uejiia Mikanda Ikôla i tena ku ku ijidisa o kubhuluka, mu kuxikanʼoko kuene mua Kristu Jezú.

Josuué 8:35

Josuué ka xi-ku kizuelu kia kima, ku ima ioso ia tendelela Mozé, nʼa kambe ku ki tanga bhu mesuʼa kionge kioso kia Izalaiele, ni ahatu iá bhobho, ni anandenge, ni jinzuángiza, o idijila eza kutunga muʼaxaxi kâ.

I Phetele 2:2

Muila kala mu anʼ auisu a mi vuala-ke, mu sema jinga o lete ia disanze ia nzumbi, phala ki mu i nua, mu kole muenhu, mu kule.

Dijingunuinu 14:5

Mu kanu diâ ki mu moneka makutu. Kene ngó ni kisemu bhu pholo ia kiandu kia Nzambi. Athu muene a tenena!

I Samuuele 1:11

Anga u di hambelela, uixi: Jihova dia ifuẋi, se ni kidi kiene u ngi tala o kutata kuami eme ngi mubhikʼé, se u ngi ta muẋima, nʼu kambe ku ngi jimba eme ngi mubhikʼé, phala ki ngalʼiki ngi mubhikʼé u ngi bhane monʼa diiala, eme-phe ngi mu bhana kua Jihova izuua ioso ia muenhu uê, ki kua bhita phoko ia bhutu ku mútue uê.

I Samuuele 1:22

Hana-phe u fula kubanda; kuma uambela munumʼie, uixi: Eme ki ngi bande luua, katé mona kia sumuka; o kia sumuka-phe kiene ki ngi mu ambata phala ni ngi mu bhakule bhu pholo ia Jihova, nʼa kalelè-ku kiá kuenhoko.