Malakiia 4:4 - O Mikanda Ikola

⁴ Lembalala jinge-nu o ngonge ia Mozé selevende iami, i nga mu tendelela bhu Holebe phala akua Izalaiele oso, kuma iene o itumu ni mabatuilu.

Malakiia 4:4 ပူးပေါင်းရင်းမြစ်များ

Izaía 42:21

Jihova ua mu zolela ngó mukonda dia henda ia kuiuka kuê; ua mu jingisila ku kitumu, iú ua mu fumanesa.

Izaía 8:20

Inda tuila: Ku Kitumu ni ku Umbangi; ene se nguauá kuzuela kala kiambe o kizuelu kiki, o mukengeji ua kimene ka kà u mona.

Jelemiia 6:16

Jihova uambe kiki: Kutukenu mu jinjila, mu tale nda mu ibhule ikoka ia xahulu, ioso o njila iauabha, muʼendele muenhomo; nda mu sange o dinhohenu dia jinzumbi jenu: Maji ene-phe exi: Nguetu kuenda.

Loma 3:31

O ki tua zuelʼ iki, manhi o Kitumu tua ki tumbulula mukonda dia kuxikana? Kana, ki ki xikina! Inda o Kitumu tua ki bhana dingi nguzu.

Matendelelu 4:10

Ku jimbe o kizuua ki uemanene bhu pholo ia Jihova Nzambi ié bhu Holebe, kioso kia ngi tangelele Jihova, uxi: Ngi bhonguelele o mundu iú, nga-nda ku a evisa maka mami, na mʼejiie, mbe o ku ngi xila jinga mu izuua ioso ia muenhu uâ, o bhuoso bhua kà tunga a ka ma longe uê anʼâ.

Matendelelu 4:23

Alukenu-phe, kana kujimba o kikutu kia te Jihova Nzambi ienu nʼenu; kana ku di songela kiteka kioso-kioso, mba ilúmbua ia ima ia mi kidika kuala Jihova Nzambi ienu.

Matendelelu 5:2

Jihova Nzambi ietu, uate kikutu nʼetu bhu Holebe.

Matendelelu 8:11

Alukenu-phe, ki mu landuke Jihova Nzambi ienu, anga mu takuila o ijiia iê bhoxi, ni mabatuilu mê, ni jingonge jê ji ngala ku mi tendelela leluʼidi.

Matendelelu 8:19

Maji-phe kia kà kala kiki kuila, se kua kuiza mudiangu anga ulanduka Jihova Nzambi ié, se u bhana mátui ku nzambi jengi anga uhombokela mahamba, ni ku kuata o ku ma tolokela ni ku ma bheza, leluʼidi nga tange kidi kuila mua-nda kujikinina muene.