Malakiia 4:1 - O Mikanda Ikola

¹ Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Malakiia 4:1 ပူးပေါင်းရင်းမြစ်များ

Jobe 18:16

Bhoxi, jindanji jê ja kà kukuta, o jithangu jê bhulu ja kà lela, a kà ji batula.

Jisálamu 119:119

A bhukumuka mu ngongo eie u a kita dixidilu dia kutexe; eme-phe kiene kia ngi katela o umbangi ué.

Jisálamu 37:9

Mukonda oso a bhanga ima iaiibha, a xikamena ku a batula bhoxi; oso-phe a kinga Jihova, ene a lundula ixi.

Makatukilu 15:7

Mu kuzangalala kué kuavulu, ua a tolola oso ambe ku ku kitukila; ki ua a tumikisa o njinda ié, ene abhi kala maxinde a kitumba.

Izaía 40:24

Kiene ngoho kia-nda kuila a zubha ku a phapha ni ku a kuua, o kixina kiâ anga kiandeka kuta jindanji ji kudila koxi a mavu, kindala a lela a kukuta kiá, kioso muene kia a bhusa anga kitembu kia suina kia a ambata kala ibhiaẋi.

Izaía 41:2

Mukuahi ua takanene muthu uaiuka ku thunda, iu ua mu bheka bhu kinama kiê? Mukuahi ua tula o ifuẋi bhu pholo iê, iu ua mu mu bhangesa kutumina o jingana? O muene iu ua a bhakula ku xibhata iê kala fufuta, ua a seiela ku mufula uê mukuâ ni ibhiate ia di-ambatesa ni kitembu.

Izaía 47:14

Talesa-ze, eneʼó a-nda kuila kala ibhiate, a-nda kúbhia mu túbhia; ka kà tena ku kudila o muenhu uâ ku nguzu ia mulengo; o uene ki ua-nda kuila kala makala ma kuota mba dijiku dia kuila uxikama-bhu.

Izaía 5:24

Kienhiki-phe, kala ki kuata o dimi dia mulengu ku ibhiaẋi, kala ki uama iangu ku mulengu, kiene ue kianda ku lukuta o lundanji luâ, mukuâ ni kubola; kuuabha kuâ, mbambe ni kitulu, kua kà jimuka kala fufutila: mbata o ngonge ia Jihova dia Ilômbo Ieta a i tènde, o kizuelu kia Dilemba dia Izalaiele a ki sebulula.

Izaía 9:18

Kuma o phulu ioso-lolo i uama kala túbhia, iximika katé ni ivunda ni misonge. Kiene muene, i bambula katé ni mixi ioso ia di-bhidijika ku muxitu, anga dixi diê di bhana matuta a xiketela bhulu.

Izaía 9:19

Mukonda dia njinda ia Jihova dia Ilômbo Ieta, oxi, ia kà vunda, o mundu ua kà kituka kala iangu ia kuoha; ki bhuá kala muthu u kondeka phangʼiê.

Izekiiele 20:38

Maji o ió a ngi bhukumukina, ni iá a ngi tondalela, mu kaxi kenu nga kà a muangununa-mu; nga kà a katula muene mu ixi mua nhunganena, maji o mu ixi ia Izalaiele ka kà vutuka-mu dingi; phala ki mʼindukile kuila Eme-muène ngi Jihova.

Izekiiele 21:32

Ua kà di bhanga kúdia kua túbhia; o manhinga mé a kà kala muʼaxaxe ka ixi; ki mungu dingi a kà ku banza, mbata eme ngi Jihova nga ki zuela.

Izekiiele 24:11

Kienhokio-phe, o ímbia ua kà i tula hanji ia hatu ku makala a uama túbhia, phala i teme, o ngulele iê ioso i jokote, o ima ioso ia ufusa moxi diê i sangumuke, o kifulu kiê ki bhue-mu.

Izekiiele 34:17

Ku mbandu ienuʼenu, mu jimbudi jami, o Jihova Nzambi phe uambe kiki: Talesenu kuma eme nga-nda kufundisa o ibhaku iòfele bhu kaxi ni ibhaku iòfele, o ilumbe ia jimbudi bhu kaxi ni isutu ia jihombo.

Izekiiele 7:10

Talenu, o kizuua kiki kiabhuʼiki, talenu ki kiza, uíndua ué ua bhixila; o kubhanga ufusa kua sabhuka, o izala ié ia buingita.

Jouele 2:1

Mu Ziione xikenu-mu mbungu, dikodienu ni dízui dia suína mu mulundu uê ukôla. Ene oso a tunga mu ngongo a tekete, kuma kizuua kia Jihova kì kiza, kiene kia zukama kiá.

Jouele 2:31

Dikumbi dia kà kituka kitombe kia usuku, o mbeji i di bhanga manhinga, kioso hanji ngó kizuua kia dikota kia Jihova, ki kuata uoma, kiluua ki bhiẋila.

Amoji 2:9

Sumbala kiene, eme o mamodi nga a jikinisa bhu pholo iâ ene, athu a bhingile o kulebha mukuâ ni muẋi ua musédulu ua Libano, o ku nguzu mukuâ ni mukaluvádiu; maji-phe, o ibundu iê ku thandu nga i jimisa, ni jindanji jê bhoxi.

Obadiia 1:18

Dibhata dia Jakobo dia kà kituka túbhia, o dia Zuze mulengu, maji o dia Ezau di di bhanga mafe a kukuta, a kuuika túbhia tu tunda kua ió katé muene kia buila; phala ki bhu xale dingi muthu mu dibhata dia Ezau; mukonda dikanu dia Jihova dia ki tange.

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

Sofoniia 1:14

Kuma kizuua kionéne kia Jihova kia zukama; ku kizuelu kiê, kia-nda kuiza muene lusolo, ki ki kokoloka; bhu kizuua kia Jihova katé ni mazonda a kà di bhana mitendu mukonda dia uoma.

Sofoniia 1:18

O phalata iâ ni ulu uâ ki itena ku a kudila mu kizuua kia njinda ia Jihova; maji ku túbhia tua njinda iê ixi ioso iii ia kà jikata; mukonda, ni kidi kiene, Muene athu oso a tunga mu ngongo ua-nda ku a buikisa muʼanzanzʼumu né ngó muthu ka kà subhuka-ku.

Zakadiia 14:1

Tala, kizuua kia Jihova ki kiza, kia kuila ni ioso i uala na-iu ia kà kituka mbole ia ku uana-uana momuʼé.

Malakiia 3:15

O kiki-phe tua mono kuma akua izala a beta kuzediua; ni ió abhukumuka, a beta kutunga ni kumona; xi, ene ela a lokalala Jihova, a laia muene, ki kuizé kima.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

Malakiia 3:2

Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Malakiia 3:3

Muene ua kà xikama mu kuzunza ni kuzelesa o phalata; anga ua kà zelesa o muiji ua Levi, hé ua kà u bhuisa dixilu mukuâ ni kia zunza o ulu mba phalata; mu kienhókio a kà bheka kua Jihova maujitu ma kuiuka ni kidi.

Malakiia 4:5

Talesenu, kuma eme ngi mi tumikisa polofeta Elija, kiosuʼiki kiluua kiza kizuua kiókio kia Dikota, kia Ngana, kizuua ki bheka uôma.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Luka 19:43

Kuma izuua ia-ndu kuiza, jinguma ji ku kandeia jimbonge mu jimbandu, ji ku konda, ji ku xita matundilu moso,

Luka 21:20

Jezú anga uamba dingi, uixi: Ki mu mona-phe Jeluzaleme a i kondoloka ni ifuẋi ia masoladi, ijiienu-kiu kuma kubuika kuê kua zukama.

Luka 6:23

Sangulukenu kizuua kienhókio, mu tumbujuke ni kutana, mukonda kisakidilu kienu ki kala kia dikota kia mi bhakela ku diulu. Mbata ni jitata jâ kiene ue ki ja bhangele o jipolofeta.

II Tesalonika 1:8

Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.