Malakiia 3:2 - O Mikanda Ikola

² Maji nanhi ua kà kolokota bhu kizuua kia kuiza kuê? Mba nanhi ua kʼèmana-bhu kioso muene kia kà tukuluka? Mukonda muene ua kà kala mukuâ ni túbhia tua musudi-a-thumba; ua kà di fuangana kala nzabá ia musukudi.

Malakiia 3:2 ပူးပေါင်းရင်းမြစ်များ

Dimatekenu 19:28

o kia talela ku Sodoma ni ku Ngomola, ni ixi ioso ia ngânga, u mona ixi ioso iala mu tuka dixi, kala kitumba kia uama.

Jobe 28:1

Kidi muene, phalata iala ni ididi iê mua ku i kanda, o ulu ua kuzunza uala ue ni kididi kiê.

Jisálamu 130:3

Eie, Jihova, se kuila u kuata konda ia ituxi ietu ioso, nanhi muene u tena kuimana bhu pholo ié?

Jisálamu 2:7

Ki ngʼedi ngi kola ngonge, Jihova ua ngʼambela, uixi: Eie u monʼami, lelu muene nga ku vuala.

Jisálamu 76:7

Eie, eie Ngana, Ukôla! U kuata uôma! ki ku kuata o njinda ié, nanhi u tena kuimana-bhu?

Jisabhu 25:4

Phalata dianga ku i kenza o makololo, nʼa i zunze kiua phala itunde kitutu kia ujitu.

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Izaía 4:4

kioso o Jihova kia kà sukula ufusa uoso ua ana-ilumba mu Ziione, anga uzelesa Jeluzaleme ku kikuma kia manhinga muʼaxaxi kê ni nzumbi ia kuiuka ni nzumbi ia huii.

Jelemiia 2:22

O ki ualʼiki-phe né-mbe u di sukula ni Salitre, mba u vudisa nzabá, kikuma kié kia di bhange muxinda ku ndanji bhu pholo iami eme, Jihova Nzambi ua ki tange.

Izekiiele 22:14

Mbé o muẋima ué uanda kua kà di fikidila muene? Manhi o makuʼé a-nda kua kà kala muene ni nguzu mu makumbi u nga-nda kua kà ta o maka ni eie? Eme ngi Jihova nga ki tange, nga-nda kua kà ki bhanga muene.

Daniiele 11:35

Amoxi ku athu a tetuluka kilunji a kà dibhala, mbé o ku a lola kujiza kuâ phala ku a eẋika ni ku a zelesa-phe, katé bhua kà bhuila o kithangana, mukonda o thembu ia dizubhilu ki iza, katé bhu kithangana kiê kioso kia tokala kia i xindi.

Jouele 2:11

Jihova-phe ua tuamenena bhu pholo ia kifuẋi kiê, u zangumuna mbimbi iê kuma o ilômbo iê kuvula kuahi! Mukonda muene Dizonda mu kubhanga kioso kia zuela! Mbata kizuua kia Jihova kionéne, ki bheka uôma! Nanhi ua kà tena kuimana-bhu?

Nahumu 1:6

Nanhi ua kèmana bhu pholo ia njinda iê? Nanhi ua kà kolokota mu kutema kua njinda iê? Kutema kuê kala túbhia tua muzukuta, o matadi moso muene u a lundumuna.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matesu 25:10

Kioso-phe ki aii mu kusumba, ngá-iala u tula. Oso a di iudika, anga a bokona-nê ku fesa ia ubhanga, dibhitu, ia a di jika.

Marku 9:3

O izuatu iê i benha ni kuzela kuavulu, kana musukudi mu ngongo u tena kuzelesa kiokio.

Luka 2:34

Ximinhá anga u mu benzela, hé uambela Madiia, manhiʼâ, uixi: Monʼóze Nzambi ua mu solo phala kukala ubhulukilu ni kusenguluka kua athu andumba mu Izalaiele. Mona iú ua-ndu kala kijimbuete kia Nzambi ki kuatesa jiphata ku athu avulu.

Luka 21:36

Uila kiki, di langienu-phe ithangana ioso, ni kudionda mu kusamba, phala mu tene kubhuluka ku ima ioso iíi, ni kuimana nzànza bhu pholo ia Monʼa Muthu.

Luka 3:17

Muène, mbangu iê ua i kuata bhu maku phala kusèsa o jimbutu mu ibhiate. O dikanga diê dia kuvundila, u di zelesa kiambote. O mbutu u i bhongoluela mu kinganja kiê, o ibhiate-phe u ioha mu túbhia ki tu xikina dingi kujima.

Luka 3:9

O kisèsu ue, kia kukoka na-kiu, kiòte kiá bhu jindanji ja mixi. Muxi uoso u kamba kuima ibundu iambote, a u koka, hé a u ta mu túbhia.

Luka 7:23

Ua zediua-phe uoso ka di bhukana ku thandu diami eme.

Nzuá 8:55

Eme-phe nga mu ijiia. Se ngambele kuma ki nga mu ijiia, ngeju kala ngi mukua makutu, kala enu. Eme-phe nga mu ijiia, eme ngʼ aiuka o maka mê.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Dijingunuinu 19:8

Dibhanga a mu bhana kukemba ni linhu ia fina, ia benha, ia uabha. (Linhu ia fina íii, iene o ikalakalu iaiuka ia akua-Ngana, ia kembe na-iu o dibhanga).

Dijingunuinu 2:23

Anʼê ngʼa jibha ni dibhebhu, Jingeleja joso anga jʼijiie kuma ememuène ngi tungula o jihânji ni miẋima ia athu. Hinu enu oso ngi mi uanena o futu ioso ia tokala mu imbamba ienu i mu bhanga.

Dijingunuinu 6:17

Kuma o kizuua kia dikota kia njinda iâ kia tula! O u tena kuimana-bhu, mukua-hi?

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.

I Samuuele 6:20

Akua Bete-seme anga a zuela, exi: Nanhi u tena kuimana bhu pholo ia Jihova Nzambi i kôla kiki? O muene kutunda bho-bhuetuʼabha, uia kua nanhi?