Malakiia 3:13 - O Mikanda Ikola

¹³ Jihova, uixi: Mua ngi zuela ima iaiibha ni kunonga; maji enu-phe, muexi: Ihi i tua ku zuela ia ku iibhila eie u Jihova?

Malakiia 3:13 ပူးပေါင်းရင်းမြစ်များ

Jobe 15:13

Phala ku bilukila Nzambi, ni muenhu ué, anga uehela izuelu kala iii ku tunda mu dikanu dié-eie?

Jobe 40:8

Ni kidi kiene, eie kufundisa kuami ua-ndu ku kitula kingoho, mba u ngi belesa eme, eie ni u di lungise?

Jisálamu 10:11

Anga u tanga ku muẋima uê, uixi: Nzambi iú kuebhi-ze? Muene ua jimbi-ku kiá, ua di futu o pholo iê, ka-nda ku ki mona.

Makatukilu 5:2

Kuala Falaó-phe: Jihova nanhi muene, phala eme ngi mu ivue dízui, ni ngehe Izalaiele? Eme, Jihova ki nga mu ijiia; kia mukuâ dingi, Nga ditunu kueha Izalaiele.

Izaía 3:8

Mbata Jeluzaleme ua di-bhukana, o Juda ua di-bhale; mukonda o uzuelelu uâ ni ibhangelu iâ, ia kubalukila Jihova; mbé o kubheka njinda ku mesu a Jihova ni fuma iê.

Izaía 37:23

Eie mukuahi ua mu lebhula, ua xingi nanhi? Ua mu mu handekela kiókio ni mesu bhulu, nanhi muene? Muenhó, Lemba dia Izalaiele.

Izaía 46:12

Ngivienu, enu mua kola o muẋima, enu o kuiuka kua mi kala dikanga.

Izaía 5:19

Exi; A lenguluke, a zubhe kikalakalu kiê, nda tu ki mone; o phangu ia Dilemba dia Izalaiele, ize, idi-tukulule, nda tuʼijiie.

Jelemiia 44:18

Maji tundé kiá ki tueha o kuoha uasu ua dizumba, kua sobha ia diulu ia muhatu, ni ku mu bhakuila o makúnua, ioso muene ia tu kambe, tua diua ku xibhata ni ku nzala.

Jelemiia 8:12

Ene kia bhanga ufusa, manhi a kala ni sonhi? lémbue! ene kene mu kala ni sonhi ia kima, né ngó bhuofele kuijiia kioso ki kuata o sonhi; kala kiki ene ue a-nda kutenuka kumoxi ni iá a tenuka; bhu kithangana ki nga-nda ku azungila a-nda ku di lukula bhoxi, Jihova ua ki tange.

Izekiiele 18:25

Enu-phe muexi; O njila ia Jihova ki ia iuka kiambote ditônono. Kindala-phe, ivuenu enu mu dibhata dia Izalaiele: Manhi o njila iami ki iala ditônono? Mbé o njila jenu ki jene ja bhengajala?

Izekiiele 35:13

Enu-phe mua ngi di-zangelekela eme ni dikanu, enu mua vudisa o maka menu mu ku ngi balukila eme; ememuène nga dʼivila-kiu.

Hozeia 7:16

Ene, o kia vutuka, kana, ka vutuka kua Suke-ku; a di bhange kala uta ua mufula ua ngangamana, u landukisa ngó; o ilolo iâ ia kà laúka ku xibhata, mukonda dia isuéia uâ ua a kala bhu dimi; o kienhiki hinu a-nda ku a tela-kiu kabáxia mʼoxi ia Ijitu.

Malakiia 2:14

Enu-phe muixi: Phalahi? Mukonda Jihova uala mbangi bhu kaxi ké ni muhatuʼé ua dianga, ua sakana-nê mu unzangala, eie ua kambe kuenda-nê ni ufiiele, anga ubula kikutu ki uate-nê; o muene-phe muene uala mukuenu, o muhatu ué ua àta-nê kikutu.

Malakiia 2:17

Ngana, mua mu kumisa ni uzuelelu uenu; anga mu ila, muixi: Tua mu kumisa mu kima kiahi? Ki muala kuzuela, muexi: Uoso u bhanga kiaiibha, u lunga; ku mesu ma Ngana, ki kima; athu kala kiki ene a mu uabhela muene; Nzambi ia ku fundisa-phe, iú kuebhi?

Malakiia 3:12

Bhenhobho akua jixi joso, a kà mʼixana kuma mua zediua; mbata enu mua-nda kala ixi ia kubhanduluka eme ngi Jihova dia Ifuẋi.

Malakiia 3:14

Enu muambe, muexi: Ku bhikila Nzambi hadi ia hatu; o kualuka ijila ia Ngana, ni kuenda bhu pholo ia Jihova dia Ifuẋi ni mukondo, tua nganhala-ku mbote iahi?

Malakiia 3:8

Manhi muthu u tena kunhanʼê Nzambi? Enu-phe muala ku ngi nhana; maji-phe, muixi: Etu tua ku nhana ku ima iahi? Mua ngi nhana ku madijimu mami, ma tokala ku ngi bhakuila, ni ku maujitu ma ku di bhela enuʼenu mu vondadi ienu.

Loma 9:20

Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?

II Tesalonika 2:4

Muthu muenʼió u kala mú kituka, u mesena u tunda ioso ia luka exi Nzambi, ioso athu iene ku bheza. Muène ua kà di zangeleka katé muene u xikama mu Tembulu ia Nzambi, nʼa dʼidikise kuma muene Nzambi!