Malakiia 3:12 - O Mikanda Ikola

¹² Bhenhobho akua jixi joso, a kà mʼixana kuma mua zediua; mbata enu mua-nda kala ixi ia kubhanduluka eme ngi Jihova dia Ifuẋi.

Malakiia 3:12 ပူးပေါင်းရင်းမြစ်များ

II Malunda 32:23

A vulu anga aia ni kubheka maujitu mu Jeluzaleme kua Jihova ni ima ia te kiavulu kua Ezekiia sobha ia Juda, katé kua suku kunu a mu zangeleka kiavulu ku mesu ma akua jixi joso.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Izaía 61:9

O mbutu iâ a kà i mona, a kà ela ngó sui, exi: ienhiʼii o mbutu ia zediuisa kua Jihova.

Izaía 62:4

Ki bhu kala dingi o ku ku luka exi: Na-Ubheka, ni oxi ié ka kà i luka dingi exi, Kibuila; inda a kà ku luka: Ngina-hate; oxi ié-phe exi, Sakani; mbata Jihova ua di-uabhela nʼeie, oxi ié ia kà sakana ni muene.

Izaía 62:5

Kala munzangala ua diiala kia sakana ni kilumba, kiene ue anʼé kia-nda kusakana nʼeie; kala ngaiàla kia sendukila o dibhanga, kiene ue Nzambi ié kia-nda ku ku sendukila eie.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Daniiele 11:41

Anga ua kà bokona ue mʼoxi ia ulamba uangene, ua kà lundumuna jixi ni jixi, a kà bhulaka ngó bhu lukuaku luê, enhá: Idomo, Mouabhe, ni jisamba-tende ja anʼa Amone.

Daniiele 8:9

Lumoxi-bhu lu bhana kalumbinga kòfele anga ka lebhelela kiavulu, ka lunga ku sulu ni ku thunda ni kʼoxi ia diuabhela.

Zakadiia 8:23

Jihova dia Ilombo Ieta uambe, kiki: Bhu kizuuʼokio kia kà bhita-phe kuma kuinhi dia muthu a tokala ku madimi mʼengi ma miji ioso mu ngongo, a kà naminina, ni kidi-ze muene, a kà naminina ku muxiku ua kizuatu kia Judé imoxi, anga a muambela, exi: Tuanda kuia ni enu, mukonda tuene mu kuívua kuila o Nzambi uala ni enu.

Malakiia 3:13

Jihova, uixi: Mua ngi zuela ima iaiibha ni kunonga; maji enu-phe, muexi: Ihi i tua ku zuela ia ku iibhila eie u Jihova?

Luka 1:48

Mukonda muène ua te mesu mu kutola kua mubhikʼê! Talesa, tunde lelu, miji ioso ia-ndu ngi tumbula kuma ngi muhatu ua zediua.

Matendelelu 11:12

Oxi iii Jihova Nzambi ienu muene ua i tambula konda; mesu ma Jihova Nzambi ienu mene ku i kengelela mu thembu joso; tundé bhuandekela o muvu katé bhu ubhuila.