Malakiia 3:11 - O Mikanda Ikola

¹¹ Mukonda dienu, ngi bazela kabamba uene mu kujeja, phala ki ka mi dile idima iaʼxi ienu; o muvide uenu mu mábhia ki u seluka ni ukambe kuima; Jihova dia Ifuẋi ua ki tange.

Malakiia 3:11 ပူးပေါင်းရင်းမြစ်များ

Jelemiia 8:13

Nga tange kidi, nga-nda ku a kuata, Eme Jihova. Ki kuala dingi jiúva ku muvide, mba jifiku ku mufiku, o mafe ma lalumuka; katé ni kiná muene ki nga a bhele kia-nda ku a xa.

Hozeia 2:21

Kia kà bhita-phe mu kizuuʼokio, kuma eme nga kʼevua, eme ngi Jihova, nga kʼevua o maúlu anga ngʼa vutuila, ene ue a kʼevua kioso kiendi o ixi.

Jouele 1:12

Mivide ia kukuta, mifiku ia lela, iaxoueta; mulomela ue kiene, kumoxi ni diie ni masiiela; miẋi ioso mu míkáu ia kukuta, ni muʼaxaxe kʼanʼathu ue kusanguluka kua kukuta-mu, kua lengela dikanga.

Jouele 1:4

O kia subhuka ku jithothola, kia diua ku kihoho, kia subhuka ku kihoho kia diua ku kabôtua, kia subhuka ku kabôtua kia diua ku kajeja.

Jouele 1:7

Mivide iami a i sengulula, miẋi iami ia jifiku ka i xi ni ibalabala; ioso muene a i zula ia a i takuila bhoxi; thangu ja indemvuna ja phenzuluka.

Jouele 2:20

Ió ua tokala ku suku ngi mu bhangesa kuia dikanga nʼa mi xisa; ngi mu takuila dikanga ku ixi ia kukuta ia kikangalakata; u di lulama ni musanza ua kalunga ku mutundila kumbi, ku dima diê kuene ku kala musanza ua kalunga ka mufuila kumbi; dizumba diê dia bolo diʼà kala muʼtukumuka, o kibuzu kiê kia kàla mu banda bhulu, kuma Jihova ua bhange ima ia makota!

Jouele 2:22

Enu ue mu iama ia mukáu ki mu kale ni uoma, kuma sabhelela mu ixi ia kisekele ia-nda kubuingita dingi, mbata miẋi ia kà bhana dingi ibundu iê, ni muvide ni mufiku ia kà bhakula muene kia nzungule.

Jouele 2:25

Mivu ioso ia mi jikinisa kihoho, ni kabôtua, ni kajeja ni thothola, kifuẋi kiami kia dikota ki nga mi tumikisine mu ku mi lua enu, eme ngi mi vutuila-iu.

Amoji 4:9

Nga mi kuama ni kiaúla ni fuluja; o ndumba ni ndumba dia jindombe jenu ni mivide ienu, mifiku ienu ni midivua ienu a i di ku kihoho; maji Jihova uixi: Né kieneʼokio-phe, enu nguenu kudiela ni mu bhiluke kokuami!

Habakuke 3:17

Kuma né-mbe hanji o mufiku ki u tulula, mba ku kala ibundu ku muvide; o ibundu ia mudiva i kala makutu, o mábhia ue a kamba kubhana idima; o jimbudi joso ja kilunga a jʼambata, anga mu ibhanga ioso mu xalʼé ngó sé jingombe;

Ajeu 1:11

Eme nga bheka hâmba ku thandu a ixi, ni ku milundu, ni ku tiliku ni ku vinhu ia ubhe, ni ku maji, ni ku idima ioso ima ku mavu, ni ku thandu dia athu, ni ku thandu dia iama, ni ku thandu dia ikalakalu ioso ibhanga athu ni maku mâ.

Ajeu 2:17

Eme nga mi kuama mu ikalakalu ioso ia maku menu ni hâmba ni muanha, ni fuluju, ni mvula ia matadi, maji né ngó muthu umoxi muʼaxaxi kenu ua vutuka kokuami, Eme ngi Jihova.

Zakadiia 8:12

Mukonda eme nga-nda ku kuua o kutululuka o mbutu ia kà kala ni kuzediua. Muvide ua kà lukula ibundu iê, o ixi ia kà bhana idima, o diulu dia kà bhana dimume diê mu kimene; anga ngi bhangesa kuila, o ima ioso iii ia kà biluka undundu ua ngene ua iá a subhuka ku muiji uenhú.

Matendelelu 11:14

Eme-phe oxi ienu ngenda ni ku i bhana o mvula ioso iatokala bhu thembu iê; ngi bhana o mvula ia dianga ia isanga bhu kudinji, hé ngi kaielesa ue ia sukidila-ku ia kungulula musoke, phala mu mune idima, ni masa, ni vinhu ia uisu, ni maji-mê.