Malakiia 2:9 - O Mikanda Ikola

⁹ Kiene-phe uami kia ngi bhangesa ku mi sebulula ni ku mi sekalesa bhu pholo ia mundu uoso, mukonda jinjila jami mua ditunu ku jʼenda, maji, mu kukumbidila o kitumu, mua bhange katungu kʼathu.

Malakiia 2:9 ပူးပေါင်းရင်းမြစ်များ

I Jisobha 22:28

Anga Mika u zuela, uixi: Eie ku vutuka ni uembu, kale o Ngana ka zuelela moʼmuami. Uixi dingi: Enu athu oso ivuenu-kiu!

Jobe 32:21

Tamanu ki ngi bhange kathômbo kʼathu, mba ngi kala ni kubanza muthu.

Jisabhu 10:7

Delembalelu dia muthu uaiuka di kala dibesá, maji o majina a isuéia-phe a kà di bhanga kala kima kia bolo.

Jisabhu 12:8

Muthu kioso kia soko o unjimu uê, kiene ue kia ká mu tumbula; maji o semenhi ia muẋima-phe, athu oso a mu sebulula.

Izekiiele 13:21

Hé o matoka menu nga kà a tandula, ni ngi kula o mundu uami bhu makuʼenu, ki mungu dingi ene a kala bhu makuʼenu phala ku a ta mbole; nda mu kʼijiie kuila eme ngi Ngana.

Izekiiele 7:26

Kua kʼèza uíndua mu uíndua, anga kua kà balumuka kilungutu mu kilungutu; kienhokio-phe a kà sota polofeta phala ku a tangela kisukila, maji o nganga katé ni kitumu kia kà mu jimba muene lalá, o adiakime a lémbua o kaiula.

Mikeia 3:11

O atumini-â, milonga a i batula ni kutambula maujitu, o jinganga jâ mu kulonga a longa ni kukinga ku a futa, o jipolofeta jâ kiela kuzambula, azambula phala kutambula kitadi; anga a tatela Ngana, exi: O Ngana muene, mbé ki iú-ue-iú muʼaxaxi ketu? Ki bhuala kia ibha ki tu bhiẋila.

Nahumu 3:6

Nga kà lundulula ku thandu dié dixidilu ni malebhu, phala ni ngà ku kuatesa jisonhi, ua kà di bhanga u kima kia lusebu.

Malakiia 2:3

Mu kienhiki, mbutu ienu ioso nga-nda ku mi dianguila-iu, anga ngi mi uesa jipholo jenu ni ditobe, o ditobe dia izokola ienu anga a kà mi texila kumoxi ni dixidilu dienhódio.

Malakiia 2:8

Maji enu-phe, mu njila ia kuiuka mua bhambuka-mu, avulu u mua tondalesa o ijila iaiuka; kikutu kia Levi mua ki bulu; kienʼiki kia zuela Jihova dia Ifuẋi.

Luka 10:29

O mesene ia Kitumu-phe mukonda uandala ku di bhembula, uambela Jezú, uixi: O mukuetu-phe nanhi?

Luka 11:42

Lamba dienu-phe, mu jifalizeu! Mukonda enu Nzambi mu mu futa o dijimu dia kizaka, ni dia sabhola, ni dia tu-idima tuoso, o kufundisa-phe, mu kidi, ni henda ia Nzambi, mua i xé bhoxi. Mua fuamene kuila o iíi mu i bhanga, o ioio-phe ue ki mu i xi dingi.

Ngalásia 2:6

O ió-phe oso a fumana ku uadiakime, (hé a dianga, eme ki kia ngi kuatela kima kuma Nzambi kene ni katungu ka athu)—enʼió a fumana, ka ngi bandekezele kima kiengi kia ubhe.

Matendelelu 1:17

O ki mu fundisa ki mu suue muthu; ua tolo mu muivua, o ua kulu mu mu ivua; ki bhu kale pholo i mi kuatesa uoma, kuma o kubatula milonga kima kia Nzambi; maji se bhu kala mulonga ua mi bhônzo, muiza-na-u kokuami, eme anga ngi uʼívua.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.