Malakiia 2:8 - O Mikanda Ikola

⁸ Maji enu-phe, mu njila ia kuiuka mua bhambuka-mu, avulu u mua tondalesa o ijila iaiuka; kikutu kia Levi mua ki bulu; kienʼiki kia zuela Jihova dia Ifuẋi.

Malakiia 2:8 ပူးပေါင်းရင်းမြစ်များ

II Jisobha 16:11

Udiia, o nganga, hé u tunga o Kalatódio muene, kala kioso kia tumu ku mu ambela kuala sobha Akâji mu Damasku; kioso kia mu ambela, kiene muene kia bhange Udiia, kioso o sobha Akâji kiluua hanji a vutuka mu kutunda ku Damasku.

Nehemiia 13:29

Enhá ku a jimbe, Nzambi iami, mbata o unganga a u xidisa, ni kikutu ue kia unganga a ki zange, o kikutu kiangene kia akua Leví.

Jisálamu 119:102

Jindóngo jé nga ditunu ku ji xia ni ngʼila muengi; mukonda eie ua ngi longo kiá.

Jisálamu 18:21

Kuma nga kuata muene jinjila ja Jihova, Nzambi iami ki nga mu xibhaka hé ngi baluka.

Jisabhu 12:8

Muthu kioso kia soko o unjimu uê, kiene ue kia ká mu tumbula; maji o semenhi ia muẋima-phe, athu oso a mu sebulula.

Izaía 30:11

Njila xenu-iu bhu mbandu, abhukenu mu kikoka: bhangesenu-kiu muene kuila o Dilemba dia Izalaiele ka kale dingi bhu mesuʼetu.

Izaía 59:13

Tuedi ni kulueza, ni ku ta makutu mu ku bilukila Jihova, ni ku ta dikunda kua Nzambi ietu, tuexi ni kuzuela kua ungumba ni kubhukumuka, ni kuimita ni kulusa maka ma mangonha ku muẋima.

Izaía 9:16

Mbata asonguedi a mundu iú akua-mangonha, oso ala ku a kaiela, a kà buila.

Jelemiia 17:13

Jihova tata, kidielelu kia Izalaiele! Oso a kuxa eie, hinu sonhi ja kà a kuata; oso a ngi sondoloka eme, hinu a-nda ku a soneka o majina ku mavu bhoxi; mbata Jihova a mu xisa, muene Otho ia menha ma muenhu.

Jelemiia 17:5

Jihova uambe kiki: Ua xixima o muthu u dielela ku muthu, hé o xitu iene mu kúfua u i kita luene o lukuaku luê, anga o muẋima uê u u katula kua Jihova.

Jelemiia 18:15

Kienhiki o mundu uami ene ku ngi jimba muene, hé a kuata kuohela uasu ua dizumba ku lusebu; ia a tu bhangesa ku di bhukana mu jinjila jâ ni mu ikoka ia xahulu, phala nʼendele mu ikoka iengi ki iòsengulule;

Jelemiia 2:8

O jinganga a lembua kuila: Jihova uala kuebhi? O jimesene ja kitumu a lembua ku ngʼijiia; o alongi a ngi tondalela ijila; o jipolofeta a zambuila Bahale ni ku landukila ima ki i bhandulula kima!

Izekiiele 22:26

O jinganga jâ, aia ni kutondala o kitumu kiami, o imbamba iami ikôla, a i kasanesa; o muthu ua iuka ni mukua phulu ene ka mu tungula, mba a tongolola iú ua xidi ni iú ua zele; o jisabhalu jami, ka xikina ku ji tala mesu, kienhiki ia a ngi sebulula mu kaxi kâ.

Izekiiele 44:10

Maji o jilevita, a ngʼixi eme iá a di takuila dikanga, kioso kienda jinga Izalaiele mu kutondala, kioso ene kia xile ima ia a fuama o kubhanga hé a kuata o kubungana ngó, anga a ngi sanduka mbé o kukaiela o mahamba mâ, enhó-phe hinu a kʼàmbata muene o kikuma kiâ ku thandu diâ.

Izekiiele 44:12

Mbata ene a a kexidile akunji bhu pholo ia mahamba mâ, a kitukile kidibhukanu kia Izalaiele mu kubhanga kiaiibha; kiene ue eme ki nga zengela o lukuaku luami ku thandu diâ, o ene-phe ue ia a-nda kuambata o kikuma kiâ ku thandu diâ, Jihova Nzambi ua ki tange.

Izekiiele 44:7

Mukonda muexana athu engi, a kambe o ku a saia ku muẋima ni ku xitu, nʼa kale mu dibhezelu diami, nʼende ni ku di kasanesa mʼonzo iami, kioso enu ki muenda ni kubhakula o mbolo iami, ni maji, ni manhinga; o ene ia a numununa o kikutu kiami, mukonda dia maufusa enu oso.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Ijila 21:15

Ka sekalesa o mbutu iê muʼaxaxi ka jindandu jê; mbata Eme ngi Jihova nga mu jingisa.

Sofoniia 3:4

O jiplofeta jê ala phuku-phuku ja hatu, ka moneka kilunji; jinganga jê axidisa kididi kikôla, kijila kia Ngana a ki bhengeleka.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Malakiia 2:5

Kikutu kiami ni muene, kikutu kia muenhu ni kutululuka; ima iiadi iii nga mu bhana-iu phala a ngi kuatele uoma, iu ua ngi kuatela-u muene, ukala mu teketa mukonda dia Dijina diami.

Dialuilu 25:12

Kala kiki, u mu ambela; Nga bangana-nê kikutu kia uembu;

Dialuilu 25:13

ki kala kia muene, ni anʼê a mu bhingana, kikutu kia unganga u nangenena; kuma ua kexile ni muanu ua kuzokela Nzambi iê, iú ua bhitisa kiamenga phala anʼa Izalaiele.

Loma 14:21

Kima kiauabha o kukamba kudia xitu, mba kukamba kunua vinhu, mba kukamba kubhanga kima kioso-kioso ki bhangesa phangʼ iê kudibhala mu kituxi.

Jihebeleu 3:12

Enu phange jami, alukenu, sumba mudienu mu kala muthu ni muẋima uaiibha ua kuxibhaka, u mu bhangesa kuxia Nzambi ia muenhu, nʼ a baluke.

I Samuuele 2:17

O kituxi kia minzangala iii anga ki vula dingi kinéne bhu pholo ia Jihova, kuma mala enhá a tobhesa jinga o sata ia Jihova.

I Samuuele 2:24

Kana tata, anʼami! Fuma iii i ngala ku mʼivua na-iu ki ia uabha; mundu uangene ua Jihova muala ku a tondalesa.

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.