Malakiia 2:7 - O Mikanda Ikola

⁷ Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Malakiia 2:7 ပူးပေါင်းရင်းမြစ်များ

II Jisobha 16:11

Udiia, o nganga, hé u tunga o Kalatódio muene, kala kioso kia tumu ku mu ambela kuala sobha Akâji mu Damasku; kioso kia mu ambela, kiene muene kia bhange Udiia, kioso o sobha Akâji kiluua hanji a vutuka mu kutunda ku Damasku.

II Jisobha 16:16

Anga o nganga Udiia u bhanga muene iene ioso kala kia mu tendelela na-iu kuala sobha Akâji.

II Malunda 30:22

Ni kulenduka kuoso, Ezekiia anga u zuelesa jilevita joso a kexile ni kilunji mu kuijiia kiambote Jihova. O maujitu ma fesa anga a ma dia mu sambuadi dia kizuua, ni kubhakula maujitu ma uembu, ni kuximana Jihova, Nzambi ia jitata jâ.

II Malunda 31:4

Anga u tendelela o mundu, a tungu mu Jeluzaleme, kuila, o mbandu ia tokala o jinganga ni jilevita a i bhane; phala ene uâ a tene o ku di bhakula ngoho ku kitumu kia Jihova.

Ejidala 7:10

Kuma Ejidala ua di iudikile muẋima uê, phala ku kuata kitumu kia Jihova ni ku kiʼaluka, mbé o ku longa jinga jingonge ni mabatuilu ma Nzambi iê, mua Izalaiele.

Ejidala 7:25

Eie-phe kiá, Ejidala, mu kuijiia ku uala na-ku, kua Nzambi ié, kuala bhu lukuaku lué, u sola atumini ni afundixi, aia ni kufundisa athu oso ala ku sámbua diodio dia honga ia Ufalate, oso kiá ejiia itumu ia Nzambi ié-eie; o ió uoso ua kambe ku ijiia, mu muʼijidisa na-iu.

Jisabhu 5:2

Nda u kaiele kioso ki ngala ku ku dimuna; o mizumbu ié i lunde o kuijiia.

Ndongixi 5:5

Kota ku kamba kubhana polomesa, kuindi i ua bhana anga u lémbua ku i bhanga.

Izaía 42:19

Kifofo nanhi, oko mueniʼé selevende iami; mba muxilu, kala o phunga iami; ngi mu tuma nanhi muene? Kifofo nanhi, kala ió a mu bhana o futu? O kifofo kala o selevende ia Jihova, nanhi?

Izaía 44:26

Eme-muène ngi kuatesa o kizuelu kia selevende iami, ngi kumbidila ulongelu ua jiphunga jami; ngambela Jeluzaleme ngixi: Eie a kà ku tunga dingi; ngambela madiembu ma Juda, kuma: Enu a kà mi tunga lua mukua, eme ngi some dingi jingundu jâ.

Jelemiia 15:19

Uila kiki: Jihova uambe kuma: Sʼeie ua toloka, eme-phe ngi ku takana dingi, anga u kala jinga bhu pholo iami: eie se u tungula kima kia ujitu, o kia lusebu anga u ki texi, ua-nda ku kala-phe mukuâ ni dikanu diami; ndoko, eha-u ene a ku tolokele eie, eie ku ki sèse ku a tolokela ene.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 2:8

O jinganga a lembua kuila: Jihova uala kuebhi? O jimesene ja kitumu a lembua ku ngʼijiia; o alongi a ngi tondalela ijila; o jipolofeta a zambuila Bahale ni ku landukila ima ki i bhandulula kima!

Izekiiele 22:26

O jinganga jâ, aia ni kutondala o kitumu kiami, o imbamba iami ikôla, a i kasanesa; o muthu ua iuka ni mukua phulu ene ka mu tungula, mba a tongolola iú ua xidi ni iú ua zele; o jisabhalu jami, ka xikina ku ji tala mesu, kienhiki ia a ngi sebulula mu kaxi kâ.

Izekiiele 7:26

Kua kʼèza uíndua mu uíndua, anga kua kà balumuka kilungutu mu kilungutu; kienhokio-phe a kà sota polofeta phala ku a tangela kisukila, maji o nganga katé ni kitumu kia kà mu jimba muene lalá, o adiakime a lémbua o kaiula.

Daniiele 11:33

Oso akua kilunji, muʼaxaxi ka kifuẋi a kà longa muene mundu; hanji-phe, a kà laúka ku xibhata, ni ku milengo ia túbhia, ni amoxi a kʼàia ku ubhika, o iá a kà a bhûnda; maji kienhiki kia kà bhita mu kithangana kia tokala.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Ijila 10:11

phala muende ni kulonga ue anʼa Izalaiele o ijiia ioso ia tange Jihova kua Mozé.

Sofoniia 3:4

O jiplofeta jê ala phuku-phuku ja hatu, ka moneka kilunji; jinganga jê axidisa kididi kikôla, kijila kia Ngana a ki bhengeleka.

Ajeu 1:13

Bhenhobho-phe Ajeu, o mbangi ia Ngana, anga u zuelela mundu o maka moso a mu tangela Ngana, kuila: Eme ngi Jihova ngi kala jinga ni enu.

Zakadiia 7:3

Iá ebhula ku jinganga ja kexile mʼonzo ia Jihova dia Ifuẋi ni ku jipolofeta, exi: Manhi, tu dila jinga kienhiki, ni kujila, bhu mbeji ia katatu kala ki tuene kiá ku ki bhanga mu mivu iavulu?

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Dialuilu 27:21

Muene uimana bhu pholo ia nganga Eleazale, o ió u kala mu ku mu zambuila, muzambu ua Udimi kua Jihova, hé bhu kala kutunda, kizuelu ki tunda kua muene; hé bhu kala kubokona, kizuelu ki tunda kua muene; ni muene ni ana oso a Izalaiele kumoxi, kilômbo kiê kioso.

Nzuá 13:20

Mukonda ni kidi kiene, ngi mi ambela: Uoso u tambulula muthu nga mu tumu, eme-muène a ngi tambulula; o uoso ua ngi tambulula eme, ua tambulula ue uoso ua ngi tumu.

Nzuá 20:21

Jezú anga ua ambela dingi, uixi: O uembu u kale ni enu! Kala kioso Tata kia ngi tumu eme, kiene ue ki nga mi tumu enu.

Jipoxolo 16:17

Anga u kaiela Phaulu ni etu, ni kudikola, uixi: Mala iá jiselevende ja Nzambi u kôla. Ene a tu tangela o njila ia kubhuluka.

II Kolindo 5:20

Kala kiki, tua mu zuela bhabha mu dijina dia Kristu, kala muene Nzambi uala ku mi ambela mu makanu etu, kuila: Mu dijina dia Kristu, ehelenu Nzambi a mi bilule mu tunde mu kukala mu jinguma jê, a mi bhange mu makamba mê.

Ngalásia 4:14

Suke o uhaxi uami uedile kala kima kia mi tundu o thulu kieza ku mi lola, maji enu-phe ki mu ngi di tunu, mba mu ngi tènda. Inda mua ngi tambulula muene kala ngi anju ia Nzambi, mba kifua eme-muene kiá Kristu Jezú.

Matendelelu 21:5

Kienhokio-phe o Jinganga ja anʼâ Levi ji bhiẋila-bhu, kuma o Jihova Nzambi ié ua a sola phala ku mu bhikila muene, ni kubenzela athu mu dijina dia Jihova; o ki bhu kala mulonga, mba manhinga, enhá ene a batula o maka.

Matendelelu 24:8

Dimuka jinga ni dibhute, enda ni kukumbidila muene kioso ki ku longa o jinganga, a kua muiji ua Levi; kioso ki nga tendelela eme kua ene, endenu ni ku kuata muanu ku ki bhanga muene.

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

I Samuuele 2:17

O kituxi kia minzangala iii anga ki vula dingi kinéne bhu pholo ia Jihova, kuma mala enhá a tobhesa jinga o sata ia Jihova.