Malakiia 2:4 - O Mikanda Ikola

⁴ Kiene ki muá kʼijiia, kuma, Eme nga mi tumikisa o kijila kiami kiki, phala o kikutu kiami ki nga ta ni Levi ni ki nangenena. Kienʼiki kia zuela Jihova dia Ilombo Ieta.

Malakiia 2:4 ပူးပေါင်းရင်းမြစ်များ

I Jisobha 22:25

Kuala Mika: Kingila, kizuuʼokio ua kà ki mona, kioso ki ua kèla u tunda xilu u bokona xilu, ni kusota bhuoso bhu u suamena.

Nehemiia 13:29

Enhá ku a jimbe, Nzambi iami, mbata o unganga a u xidisa, ni kikutu ue kia unganga a ki zange, o kikutu kiangene kia akua Leví.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 27:9

Kienhiki-phe, o kikuma kioso kia Jakobo, a kà ki bhuisa-ku ni kiamenga; o kiki kia kà kala kiene o kibundu kia kukatula o kituxi kiê kioso, kioso. O Jihova muene kia-nda kubhanga o matadi oso a kalatódio kala matadi ma hala a ma bula-bula; kieneʼokio ue, o mixitu ni iteka ia lumbidile o dikumbi, ki ia kà tena dingi kuimana.

Jelemiia 28:9

O polofeta uanda kuzambula o paze, anga kizuelu kia polofetʼoio ki di bhanga muene, polofetʼoio a kà muʼijiia kuila muenhó a mu tumu mu kidi kuala Jihova.

Izekiiele 33:33

Maji, o hádia kioso kiza kiki, kienhokio-phe a kà kʼijiia muene kuila o mu kaxi kâ mua kexile ni polofeta.

Izekiiele 38:23

Mu kienhiki eme nga-nda ku di kudisa anga ngi di kolêsa, anga ngi bhangesa kuila a ngʼijiia bhu mesu a miji ia vulu; hé a kà kʼijiia kuila eme-muène ngi Ngana.

Izekiiele 44:7

Mukonda muexana athu engi, a kambe o ku a saia ku muẋima ni ku xitu, nʼa kale mu dibhezelu diami, nʼende ni ku di kasanesa mʼonzo iami, kioso enu ki muenda ni kubhakula o mbolo iami, ni maji, ni manhinga; o ene ia a numununa o kikutu kiami, mukonda dia maufusa enu oso.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Dialuilu 18:2

O jiphange jé, akua muiji ua Levi, muiji ua tatʼenu, u bhiẋila-na-u ue kumoxi, phala a ku bande, ende ni ku ku bhikila; maji eie-phe kiá kumoxi ni enʼé, mu nanga jinga bhu pholo ia balaka ia umbangi.

Dialuilu 18:21

Uila kiki, o ana a Levi nga a bhana o mbandu ja kakuinhi joso mu Izalaiele, ji kale undundu uâ, ku kikalakalu kiâ kia ukunji kia mu bhanga, mu ukunji ua balaka ia kutakanena.

Dialuilu 25:12

Kala kiki, u mu ambela; Nga bangana-nê kikutu kia uembu;

Dialuilu 3:11

Jihova anga u ambela Mozé, uixi:

Dialuilu 3:12

Ua mono, eme nga solo jilevita muʼaxaxi ka anʼa Izalaiele, bhu kididi kia ana a phande-kumbi, a tuama kujikula divumu muʼaxaxi ka anʼa Izalaiele; Jilevita a kale ami-eme;

Dialuilu 3:45

Kuata Jilevita bhu kididi kia ana a phande-kumbi mu anʼa Izalaiele oso, ni ibhaku ia Jilevita bhu kididi kia ibhaku ia ene; Jilevita-phe a kale ami, eme ngi Jihova.

Matesu 3:12

O mbangu iê ia kubhiatela uiza na-iu bhu maku, o kididi kiê kia kuvundila ua-nda ku ki zelesa katé kia zubha. O jimbutu jê u ji bhongolola hé u ji bheka mu kitula; o ibhiate-phe u ioha mu túbhia ki tuene dingi kujima.

Luka 10:11

Katé ni fufuta ia tu naminina ku inama mu mbanza ienu, tu mi kukumuina-iu. Maji-phe, tumenu ku kʼijiia kuma: O Utuminu ua Nzambi ua mi tula.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.