Malakiia 2:3 - O Mikanda Ikola

³ Mu kienhiki, mbutu ienu ioso nga-nda ku mi dianguila-iu, anga ngi mi uesa jipholo jenu ni ditobe, o ditobe dia izokola ienu anga a kà mi texila kumoxi ni dixidilu dienhódio.

Malakiia 2:3 ပူးပေါင်းရင်းမြစ်များ

I Jisobha 14:10

Kala kiki, u ki mona! Kuma nga-ndu bheka uíndua ua dikota mʼonzo ia Jelobouamu, anga kua Jelobouamu nga kà jimisa-ku o diiala dioso katé ni kamona kandenge, kixi mubhika mba ngana katé kia jimuka mua Izalaiele; anga luvualu lu tunda mʼonzo ia Jelobouamu nga kà lu komba hé ngi lu texi bhu kanga, kala ki a texi o ditobe, katé oso muene abhu, ka xala kijimbuete.

Jobe 20:7

ua kà bola kala o tuji tuê-muène; nuka dingi a kà moneka, o ió a muʼijidile, a kèla: Iú kuebhi?

Jisálamu 47:5

Nzambi ua bande ni ku mu kola kikóue, Jihova uaii ni ku mu xikila koloneta.

Jisálamu 83:10

A buidila bhu Endodi, imbi iâ anga i biuluka ditobe dia mavu.

Makatukilu 29:14

Xitu-phe ia ngombe ni kibha kiê, ni ditobe diê, u ioha ni túbhia ku mukáu, mu kibangu u tunda-mu; kuma sata ia ituxi.

Jelemiia 8:2

Anga a i aneka ku muanha, ni ku mbeji ni ku ilombo ioso ia diulu, ia zolele ene, ia bhikila jinga, ia kaiela jinga, ia kexile mu kusota, ia a kexile ku i diundila: ka kà i ongeka, né ku i funda; ia kà xalela ngó mukua ni ditobe ku thanduʼa mavu.

Jouele 1:10

Mikáu iòsengulule, oxi ia di suuata; kuma tiliku ia buika, mivide ia kukuta, o maji a kambe.

Jouele 1:17

Jimbutu ja bolela koxi dia mavu, inganja ia xala itutu ia hatu, itula iòmuange, mukonda tiliku ia kukuta.

Ijila 26:16

kuabhu, Eme-phe ue nga-nda ku mʼila kiki; Ngi mi tuluila lenga-suama, ngiia ni uhaxi ua thulu, ni ua munza u bhinga o kuila ujikinisa o mesu, o muenhu uenu uia ni kohoha; o ki mu kuna mbutu, ki mi kala hadi ia ngoho, kuma jinguma ji mi dia-iu.

Nahumu 3:6

Nga kà lundulula ku thandu dié dixidilu ni malebhu, phala ni ngà ku kuatesa jisonhi, ua kà di bhanga u kima kia lusebu.

Malakiia 2:9

Kiene-phe uami kia ngi bhangesa ku mi sebulula ni ku mi sekalesa bhu pholo ia mundu uoso, mukonda jinjila jami mua ditunu ku jʼenda, maji, mu kukumbidila o kitumu, mua bhange katungu kʼathu.

Luka 14:35

Ki u uabhela dingi ku u ta ku mavu a kudima, né ngó bhu dixita, ki kale a u texi. Uoso uala ni mátui a kuivila, évue.

I Kolindo 4:13

Ela a tu lebhula, etu mu kuvutula tu dionda. Katé bhu tuezʼ abha tua kituka tu dixidilu dia mundu, tu makolôlo a ima ioso mu ngongʼ umu.

Matendelelu 28:38

O ki u kuna idima iavulu ku mábhia, ku ku iza nguédia; u lémbua kumuna kia soko, mbé o kihoho kuenda ni ku idia iene ioso.