Malakiia 2:17 - O Mikanda Ikola

¹⁷ Ngana, mua mu kumisa ni uzuelelu uenu; anga mu ila, muixi: Tua mu kumisa mu kima kiahi? Ki muala kuzuela, muexi: Uoso u bhanga kiaiibha, u lunga; ku mesu ma Ngana, ki kima; athu kala kiki ene a mu uabhela muene; Nzambi ia ku fundisa-phe, iú kuebhi?

Malakiia 2:17 ပူးပေါင်းရင်းမြစ်များ

Jobe 34:17

Mbé, muthu ua zembe o kidi, u tena kutumina? Eie anga uandala kubelesa ió uala ni kuiuka ni kutena?

Jobe 34:36

Aiué, Tatʼetuʼé! Tamanu o Jobe a mu lolele katé ku dizubhilu, mukonda muene ua vutula kala muthu ua ibha.

Jobe 36:17

Maji eie-phe, ua dʼizalesa ni uanji ua muthu u bhanga phulu, mukonda dia kiki, o kufundisa ni mabatuilu ma kidi ma ku xikamena.

Jobe 9:24

Ngongo a i bhakula bhu maku a isuéia; o afundixiʼé Nzambi u a vunga o pholo; se ki muene-phe ua bhange kiki, tuila mukuaʼhi?

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Izaía 1:14

O jimbeji jenu jathjethama, ni ionge ienu ia ujitu, muenhu uami ua di kumu-naju; ja ngi nemena kiá; ja ngi kumu kiá o ku ji xididikila.

Izaía 29:15

Lamba dia ió oso a sota kusueka ima iâ ku mesu ma Jihova, nʼende ni kubhangela ima iâ mu kitombe, exi: Mukuahi u tu mona? Mukuahi u tu ijiia?

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 43:22

Maji-phe, Jakobo, eie kua ngi hingila, maji eie u Izalaiele ua ngi bhuidila.

Izaía 43:24

Kua ngi sumbila lumbungu lua uasu ua dizumba mu kitadi, ku ngʼikutisa ue ni matheka ma jisata jé; maji ua ngi kumisa ngó ni ituxi ié, eie ua ngi bhuidisa ni ikuma ié.

Izaía 7:13

Muene-phe, uixi: Kindala ivuenu, enu mu dibhata dia Davidi: O ki mua mu tatesa athu ki kia mi soko, hanji mu tatesa dingi Nzambi iami?

Jelemiia 12:1

Eie, U Jihova, u lungʼé, né-mbe ngedile ngi bokona nʼeie mu kufunda; hanji-phe u ngi zuelesa ku mabatuilu Phalahi isuéia a kala ni kubhanduluka mu njila iâ, anga a laia ni kutululuka, ió oso a bhanga kiaiibha ni usuangi?

Jelemiia 15:6

Jihova uambe, eie ua ngi-xi, ua vutuka ku dima; kiene ki nga-nda kusununuina o lukuaku luami ku thandu dié hé ngi ku jikinisa; o kudielesa ue kua ngi kumu kiá.

Jelemiia 17:15

Talesa-ze ene ala ku ngʼila, exi: Kizuelu kia Jihova ki kuebhi? Kize-phe kindala.

Jelemiia 44:22

Kí kia bhekela kuila Jihova ue ka tenene dingi kulendukila mu kithangana kia vulu o kuiibha kua ibhangelu ienu ni ima ia isunji i mua bhanga jinga, ixi ienu iú ua i bilula kikangalakata, ia di bhange kima ki kuatesa uoma, ia kituka ixi ia mázui, ki i moneka athu a tungamu, kala ki muala ku i mona leluʼidi.

Izekiiele 16:43

Mbata-phe eie kua xinganeka o izuua ia unzangala ué, eie ua ngi lokalala o njinda ni ima iosuʼiii; tala-ze, eme ue o njila ié nga-nda ku ku lauila-iu ku thandu dia mútue ué—Jihova Nzambi ua ki tange,—o ku thanduʼa maufusa mé moso kua-nda kutaku dingi o kuximika kué kuosʼuku.

Izekiiele 18:25

Enu-phe muexi; O njila ia Jihova ki ia iuka kiambote ditônono. Kindala-phe, ivuenu enu mu dibhata dia Izalaiele: Manhi o njila iami ki iala ditônono? Mbé o njila jenu ki jene ja bhengajala?

Izekiiele 8:12

Kieneʼokio anga u ngʼambela, uixi: Eie monʼa muthu, ua mono adiakime, o ikulakaji ia dibhata dia Izalaiele, kia muia ni kubhangela mua vundu, muthu ni muthu mu xilu diê muʼòsete ni iteka? Mbata ene amba, exi: Ngana ka tu mono. O Ngana muene ue ixi ua i ehelela!

Izekiiele 9:9

Muene-phe uixi: O kuiibha kua dibhata dia Izalaiele ni dibhata dia Juda kua vulu kinene, o ixi i iezala manhinga, o mbonge iezala mangonha; ene amba, exi: O Ngana ixi ua i ambula. Kiene Ngana kia mu kambela kumona.

Amoji 2:13

Kuabhu-phe! Mu kienʼiki ue, eme nga-nda ku mi phopheka bhu kididi bhuoso bhu muala, kala kiene mu ku kuta o kita kia iangu mu dikalu diezala, hé diia ni ku di jeketa.

Sofoniia 1:12

Anga kià kala-phe kiki: Mu izuuʼomo nga kà solokota Jeluzaleme ni tundeia, nga kà bhana kastiku ku athu a xikama ku mavunze a vinhu, anga a zuela ku miẋima iâ, exi: Kua Ngana ki kuizé kima. Kuma Jihova imʼii kene ku i suua, kuila ubhanga kiambote mba ubhanga kiaiibha.

Malakiia 2:14

Enu-phe muixi: Phalahi? Mukonda Jihova uala mbangi bhu kaxi ké ni muhatuʼé ua dianga, ua sakana-nê mu unzangala, eie ua kambe kuenda-nê ni ufiiele, anga ubula kikutu ki uate-nê; o muene-phe muene uala mukuenu, o muhatu ué ua àta-nê kikutu.

Malakiia 3:8

Manhi muthu u tena kunhanʼê Nzambi? Enu-phe muala ku ngi nhana; maji-phe, muixi: Etu tua ku nhana ku ima iahi? Mua ngi nhana ku madijimu mami, ma tokala ku ngi bhakuila, ni ku maujitu ma ku di bhela enuʼenu mu vondadi ienu.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

I Samuuele 2:3

Kana kuvudisa dingi kuzuela kuenu kua ukumbu, ki mu tunde dingi ima ia izala mu kanu dienu, kuma Jihova muene Nzambi ia unjimu ni kuijiia, ima i bhanga athu Muene uene ku i pezala ku dipezalelu