Malakiia 2:14 - O Mikanda Ikola

¹⁴ Enu-phe muixi: Phalahi? Mukonda Jihova uala mbangi bhu kaxi ké ni muhatuʼé ua dianga, ua sakana-nê mu unzangala, eie ua kambe kuenda-nê ni ufiiele, anga ubula kikutu ki uate-nê; o muene-phe muene uala mukuenu, o muhatu ué ua àta-nê kikutu.

Malakiia 2:14 ပူးပေါင်းရင်းမြစ်များ

Dimatekenu 2:18

Jihova Nzambi anga u zuela, uixi: Ki kia uabha o muthu kukala ubheka ue; ngi mu bhangela mukuá a di fuangana-nê uia ni ku mu kuatekesa.

Dimatekenu 31:50

Eie ku uia, ki ua kà tatesa anʼami a ahatu, ki ua kà xa anʼami mù bhenga dingi ahatu amukuâ, bhabha-phe ki bhuala dingi dilemba uala ni etu; iala-ze, Nzambi a kale mbangi bhu kaẋi kamiʼeme ni eie.

Jisabhu 2:17

o muhatu u xa diiala dia undenge uê, anga o kikutu kia Nzambi iê u ki jimba.

Jisabhu 30:20

Kiene ue o njila ia muhatu mukua jiphanda; muene uila udia, u kondona ku dikanu diê, uixi-phe: Emeʼamʼiú, ki nga teʼami kituxi.

Jisabhu 5:20

Monʼami, tata, phalʼahi u kala mu kusenduka ni luimbi lua muhatu uengi, anga u nhohena dingi bhu jihata ja muhatu ka ku tokala?

Ndongixi 9:9

Kemba jinga ni muhatu ua kazola ké, mu izuua ioso ia muenhu ué, o izuua ia ku bhana Nzambi Kulu-dia-Mundu, o izuua ioso ia maukumbu mé; mukonda ienhiʼii iene o mbandu ié ia ku tokala ku muenhu iú, ni mu ikalakalu ié ioso i ua bhange Kulu-dia-Mundu.

Mukumbi ua Mikumbi 1:15

Eie ua uabha, tata! Kamba diami! Eie ua uabha, tata! Mesu mé medi kala ma jiphomba.

Izaía 54:6

Mbata Jihova ua ku ixana kala muhatu a mu ambudisa, iu uene ni kikote ku muẋima; kala muhatu a tundu-nê undenge; ia a mu ehelela, kiene kia zuela Nzambi ié.

Izaía 58:3

Exi-phe: Tua jidilaʼhi ngoho eie-muène ku ki suu? Tua di-taleselaʼhi hadi, manhi eie ku kʼijiia? Talesenu, mu kizuua kia kujila muala kusota ngó kioso kia mi uabhela enu, muexi-phe a tu fute-kiu, o kikalakaluʼiki.

Jelemiia 29:23

Mukonda a bhange ulaji mua Izalaiele, iá a te jiphanda ni ahatu a akuâ, anga a tanga makutu mu dijina diami, maka eme ki nga a tumu ku a zuela. Eme-phe nga kʼijiia muene kiambote, kuma ngi mbangi ia ima ienhiʼii—eme ngi Jihova.

Jelemiia 42:5

Ene hê a vutuila Jelemiia, exi: Jihova a tu kale mbangi ia kidi ni ufiiele, bhu kaxi ketu, se tu kamba kubhanga kioso kiambe o kizuelu kioso kia-nda ku ku tumikisa na-kiu Jihova, Nzambi ié, kókuetu.

Jelemiia 8:12

Ene kia bhanga ufusa, manhi a kala ni sonhi? lémbue! ene kene mu kala ni sonhi ia kima, né ngó bhuofele kuijiia kioso ki kuata o sonhi; kala kiki ene ue a-nda kutenuka kumoxi ni iá a tenuka; bhu kithangana ki nga-nda ku azungila a-nda ku di lukula bhoxi, Jihova ua ki tange.

Jelemiia 9:2

Tamanu mu kikangalakata mua kexile kisasamba kia jingenji-a-thumba! hinu ngeji kuxa o mundu uami, inga nga a sondoloka, mukonda ene oso ala ati a jiphanda, ala ue kilunga kia jiphèke-phèke mu jiphèke-phèke.

Izekiiele 16:8

Eme-phe, mu kubhita bhu mbandu ié, nga ku mono, tala, o ki nga kuidi suí, nga ku mono kuila ua bhixila mu kithangana kia ku ku ta iambu; anga ngʼoleka o muxiku ua thanga iami ku thandu dié, hé ngi vunga o tuẋi ié; kienhókio nga ku lokela, eme nga bokona mu kikutu ni eie, kiene kiambe Jihova Nzambi; eie kiá ua kituka u uami.

Mikeia 1:2

Ivuenu enu oso mu ifuẋi, bhana mátui eie u ixi ni ima iê ioso iala-mu mu kuzanza kuê kuoso, o Jihova Nzambi a mi kalele mbangi ia ku mi bhanga kiaiibha tunde bhu kididi kiê kia ku mu bhezela ki kôla.

Malakiia 2:15

Nzambi muene ka bhange dikaza dimoxi ngó? Nzambi ki muene uala ni nzumbi ia di xala? Mukonda diahi ua bhange dikaza dimoxi ngó? Ua kexi mu sota mbutu i mu xila. Kala kiki, alukenu mu miẋima ienu; ki bhu kale muthu uxa muhatuʼê ua unzangala nʼaii mu kusota muhatu uengi.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Malakiia 3:8

Manhi muthu u tena kunhanʼê Nzambi? Enu-phe muala ku ngi nhana; maji-phe, muixi: Etu tua ku nhana ku ima iahi? Mua ngi nhana ku madijimu mami, ma tokala ku ngi bhakuila, ni ku maujitu ma ku di bhela enuʼenu mu vondadi ienu.

Afundixi 11:10

Adiakimi-phe a Ngiliiade anga ambela Jefete, exi: Jihova muene u kala mbangi bhuʼaxaxi ketu nʼeie; kuila kidi muene, kioso ki u zuela kiene ki tu bhanga, hé ki kiene, Nzambi a tu bete.

I Samuuele 12:5

Muene u a ambela, uixi: Jihova uala mbangi, ni muthu uê a mu undu ni maji ue uala mbangi, mu kizuua kia lelu, kuma enu ki mua ngi sange ni kima bhu maku mami, ki nga tambula ku muthu uoso-uoso. Ene exi: Nzambi Muene mbamgi, kidi muene.