Malakiia 2:12 - O Mikanda Ikola

¹² Mu jibalaka ja Jakobo, Ngana ua kà buidisamu ene oso a bhanga ima kala iii, kikale mesene kikale xibulu, né ió uoso u bhana maujitu kua Jihova dia Ifuẋi.

Malakiia 2:12 ပူးပေါင်းရင်းမြစ်များ

I Malunda 25:8

Anga a-ta ibhuku bhu kaẋi ni kioso kiatokala kubhanga jinga o kikalakalu, kixi o ndenge kala o dikota, kixi o mesene kala o mudilongi.

Izaía 61:8

Mbata eme ngi Jihova, kia ngi uabhela o kuiuka, kia ngi ibhila o kubhanga kiaiibha; eme nga kà a bhana futu iâ mu kidi; anga ngi ta-nâ kikutu kià xalelà-ku.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Izekiiele 14:10

O kikuma kiâ a kà kiʼambata ene ku thandu diâ; o kikala o kikuma kia iu uibhula, kiene ue ki kala o kikuma kia musesedi.

Izekiiele 24:21

Tangela o diembu dia Izalaiele, uixi: O Jihova Nzambi uambe kiki: Talenduze, kuma eme o dibhezelu diami nganda ku di buakulula ene o matunda a mbonge ienu, o kima kiene mu kuinda o mesu menu, o disangulukilu dia miẋima ienu; o anʼenu a mala ni anʼenu a ahetu, u mua xisa, a kà tenuka ku xibhata.

Hozeia 9:12

Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.

Ijila 18:29

Mbata athu oso a bhanga ima ia isunji kala iii, athu ió a kà a batula nʼa jime o mbutu mu kifuẋi kiâ.

Ijila 20:3

Eme uami muthu íó ngi di lulama-nê o pholo mu kuzoka-nê anga ngi mu mona bhu-aia, katé ki nga-nda ku mu batula mu kifuẋi kiê; mukonda ua katula ku mbutu iê iu ua bhakuila Mulôko; mu kubhanga kiki-phe, uakasanesa o dibhezelu diami dikola, iu ua sebulula o dijina diami diangene.

Amoji 5:22

Né-mbe mu ngi bhakuila jisata jenu ja kuoha, ni mibhaku ia makudia, ki ngi tena ku i tanena; o ku jisata jenu ja uembu, ja ibhaku ia nete, ki ngi suu-ku, mba ngi tala-ku diesu.

Zakadiia 12:7

Jihova ua kà dianga kubhulula o jibalaka ja Juda phala o fuma ia dibhata dia Davidi, ni fuma ia iá a tungu mu Jeluzaleme, ki ia ka zangalale ku thandu dia Juda.

Malakiia 1:10

Tamano mudienu mua kexile muthu u jika mabhitu phala ki mu uike túbhia tua kalatódio kami mu kingoho. Kuma Jihova dia Ifuẋi uixi kiki: Enu ki mua ngi uabhela dingi; ki ngi xikina kutambula jisata ji tunda bhu maku menu.

Malakiia 1:13

Muixi: Màmá, kubhuila kuahi ngó! Anga mu kuata kunjona, ni ku ngi sebulula; kiene kiambe Jihova dia Ifuẋi. Mua ngi satela kibhaku ki mua nhana, mba kia sasajaka ku iama, ni kibhaku kianemana, ni kiakate; uene ujitu u mua bheka. Jihova dia Ifuẋi, uambe: Ima ikala kiki, kifua ngi xikina ku i tambula muene bhu maku menu?

Malakiia 2:10

Manhi ki tuala tu akua tatʼimoxi, etuʼene oso? Ki Nzambi imoxi muene ua tu bhanga? Phalahi-phe tuia ni ku di bhanga ufe mudietu? Phalahi akuetu tuenda-nâ ni mangonha, anga tu fukuila o kikutu kia jitata jetu?

Dialuilu 24:5

Kuuabha kuahi! Jibalaka jé, Jakobo! Kuiuka kuahi, mabhata ma Izalaiele!

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

I Samuuele 3:14

Mu kienhiki nga lokela o dibhata dia Eli, kuma o kutondala kua dibhata dia Eli kà ka tena ku ku bhuisa ni jisata ni ilumbu mu mivu ni mivu sé dizubhilu.