Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Malakiia 2:10 - O Mikanda Ikola

10 Manhi ki tuala tu akua tatʼimoxi, etuʼene oso? Ki Nzambi imoxi muene ua tu bhanga? Phalahi-phe tuia ni ku di bhanga ufe mudietu? Phalahi akuetu tuenda-nâ ni mangonha, anga tu fukuila o kikutu kia jitata jetu?

အခန်းကိုကြည့်ပါ။ ကော်ပီ




Malakiia 2:10
50 ပူးပေါင်းရင်းမြစ်များ  

Enhá ku a jimbe, Nzambi iami, mbata o unganga a u xidisa, ni kikutu ue kia unganga a ki zange, o kikutu kiangene kia akua Leví.


Ió ua ngi iudika mu vumu dia mamʼetu, ki muene ue ua a bhange ene? Inga ki muene umoxi ua tʼumbu, etuʼoso, kikexilu kimoxi mu divumu?


Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.


Mua mono ioso i nga bhange kua akua Ijitu, enu nga mi ambata kala ku mabhabha a holokoko, eme nga mi bhiẋidisa kokuami.


Kiki-phe, se mu tumaka muene dízui diami, se mu kuata o kikutu kiami, mu kala mu athu ami angene, mua di tungula ku miji ioso; kuma ioso mu ngongo eme muene ia ngi tokala.


Mozé anga uiza u tangela o mundu maka moso ma Jihova, ni mabatuilu mê ma milonga; mundu uoso anga etaia ni dízui dimoxi, exi: Maka moso ma tange Jihova, ene muene u tu bhanga.


Anga u kuata divulu dia kikutu, hé u tanga-mu hanji, mundu uoso iú uivua; anga amba, exi: Ioso ia tange Jihova, iene i tu bhanga, tu tumaka muene.


Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.


Eme ngi Jihova, Lemba dienu dia Vumu, Mubhangi a Izalaiele, ngi sobha ienu.


Oso a exana mu dijina diami, ni oso nga a bhanga phala o diximanu diami, eme-muène ngʼa ombu, kidi muene, eme muene ngʼa iudika.


Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.


Talenu Mbalahamu, dia tatʼenu, ni Sala, ua mi vuala; kuma kia kexi ubhekʼélele uê, eme nga mu ixana, nga mu zediuisa, eme nga mu sokolola.


Maji-phe, eiʼeie u Tatʼetu, né-mbe hanji o Mbalahamu ka tu ijiia, o Izalaiele ue ka tu suu; Eie-phe, Ngana, u Jihova, eie muene u Tatʼetu; u Mukudi uetu tundé xahúlu, diene o dijina dié.


Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.


Maji kindala-phe, Jihova eiʼeie u Tatʼetu; etu tu utuma, eiʼeie u ngumbi ietu; etu ene-oso tu kibhangelu kia maku mé.


À keza ni kudila, nga kà ambata ni kudionda; ngà kʼendesa ku tungiji tua menha, ngiia-nâ mu njila ia iuka, mua bhingi, kà ka dibhukana dingi; kuma eme nga di bhange ngi tata phala Izalaiele, O Ifalaíme muene phande-kumbi iami.


Monʼa diiala, enhá a tungu mu ididi iii iala o jingùndu mua Izaliele, a mu zuela, exi: Mbalahamu ua kexidiê ngó muthu umoxi, o ixi iosuʼiii ia mu tokalele muene, maji-phe etu tua vulu; o ixi ienhiʼii ia a tu bhié-iu kiá ku i vua.


Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?


Juda, mu kukamba kukala fiiele, ua bhekela kubhanga ufusa mu Izalaiele ni mu Jeluzaleme; mbata Juda, muthu ua zola Nzambi, kukola kua Nzambi ua ku sekalesa mu kusakana ni muhatu, mona ua mu bheza nzambi iengi.


Maji enu-phe, mu njila ia kuiuka mua bhambuka-mu, avulu u mua tondalesa o ijila iaiuka; kikutu kia Levi mua ki bulu; kienʼiki kia zuela Jihova dia Ifuẋi.


Muthu ua kà bhana phangʼ iê mu ku mu jibha, o tata ua kà bhana mona, o ana a kà kitukila tatʼ â ni mamʼâ, nʼa a jibhisa.


Anga a tumikisa kua muène jixibulu jâ, ni akua Helode, exi: Mesene, etu tuejiia kuma Eie u mukua kidi, u longa njila ia Nzambi sé makutu, sé uôma; ku tena kulenga pholo ia muthu.


Kana kukala mu kuila moxi dienu, muixi: Etu tuavu tatʼ etu Mbalahamu. Kuma ngi mi tangela-kiu kuila Nzambi ua soko-bhu kubhanga matadiʼ ama ni ma kituka ana Mbalahamu.


Kia mulôko, ua lokelele Mbalahamu tatʼetu,


Imenu-phe ibundu ia fuama i tunda mu kudiela. Ki mu kale mu kuila ku miẋima ienu, muexi: Etu tuala ni tatʼetu Mbalahamu. Mbata Eme ngi mi ambela kuma, Nzambi u tena kutundisa mu matadiʼama anʼa Mbalahamu!


Ene anga a mu vutuila, exi: Etu o tatʼ etu, Mbalahamu! Jezú uixi: Enu se mua kexile mu anʼ a Mbalahamu, hinu mueju bhanga o ikalakalu ia Mbalahamu.


Enu mua mu bhanga o ikalakalu ia tatʼ enu. Exi: Etu ki tuala tu anʼ a undumbu, kana! Tuala ni tata iumoxi ngó, muene Nzambi.


Kaxi eie ua tundu Tatʼ etu Mbalahamu ua-fua? O jipolofeta ue ja-fua! Eie ua mu di banza kuila, eie nanhi?


Tatʼ enu Mbalahamu, ua tanene ni ngalasa mukonda dia kumona o kizuua kiami. Muène ua ki muene, iú ua sanguluka!


Nzambi i tena kubhanga oxi, ni ioso ialamu, muene kuma Ngana ia diulu ni oxi, ka tena kutunga mu jitembulu jokalakale ni maku.


Kene kubhanduluka ku maku ma athu, kala Muène ua tate, mukonda Muène u bhana oso o kukola o muenhu ni kubhuima, ni kumona ima ioso.


Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.


Kuala Xitevá: Enu jiphange mu akuetu, ni enu mu jitata, ivenu: O Nzambi ia fuma, ua tukulukidile kukululuʼetu Mbalahamu, kia kexile mu Mezopotâmia, kuila kiluua a tunga mu Halane.


Kukia ni kimene, u sanga dingi akua Izalaiele kiiadi ala kuzoka anga u sota ku a bheka ku paze, uixi: Enu jingana, muala mu jiphange, mu di bhangela-hi usueia?


Kiki-phe o Mbalahamu dia tatʼ etu mu xitu, tu mu zuela kiebhi? Tuila tuexi ua bongʼ Ohi?


O kiokio ngó ki kiene, maji ni Bebeka kia zubhile kuimita ni muadi uê uomxi, tatʼ etu Izake;


Etu-phe kua tu kala ngó Nzambi imoxi. Muène Tata ua bhanga o ima ioso, etu tuala kulaia phala muène. Sai-ku ue Ngana imoxi ngó, muene Jezú Kristu; o kua Muene kuene kua bhangela o ima ioso; o muenhu u tuala na-u tua u muena kua Muène.


Uila kiki, ki mu tange jinge dingi makutu. Maji mu di tangela jinga o kidi kala muthu ni mukuâ. Kuma etu oso tua di bhange tu idiandu ku mukutu ua Kristu.


Sai-ku Nzambi imoxi ngó, Tata ia etu ene oso, uala Ngana ia ene oso, u kalakala mu ʼaxaxe ka ene oso, iú uala moxi dia ene oso.


Bhu kaẋʼ abha-phe, ki bhu kale muthu u somboka, mba u bhanga mukuâ phulu mu maka kala iá, kuma Ngana muzokedi a ima ioso iii. Kikiphe tua mi dimuna dingi kala ki tua diangele ku mi dimuna, ni ku mi bhana umbangi, kuma Muène hinu ua ka bhana kaxtiku kua oso a bhanga ima kala iii.


Ku mbandu ia jitata jetu mu xitu, ene a kexile mu tu beta, etu-phe anga tu kala mu ku a xila. Kala kiki-phe, kia tu tokala kutumaka, kiala kota o Tata ietu mu nzumbi, phala tu mone muenhu!


Eme-phe nga tungula-bhu tatʼenu Mbalahamu, ku sámbua dia ngijiʼoko eme nga mu katula-ku, eme nga mu endesa ni kunhunga-nê mʼoxi ioso ia Kanana; mbutu iê nga i sokolola ue, mu ku mu bhana Izake.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ